نشرت النجمة السورية كندة حنا مقطع فيديو على صفحتها الرسمية على "فيسبوك" وهي تحضّر الكبة المشوية لعائلتها بينما يظهر أطفالها الثلاثة و هم يطالبونها بالطعام .
وأوضحت كندة أن بعض الناس يستغربون كيف تمتلك الوقت لتحضير هذه الوجبة الصعبة، أو ربما يتوقعون منها أن ترتدي "فستان السندريلا" لتظهر به على الجمهور خلال تحضيرها الطعام، لافتة إلى أن الحياة جميلة ببساطتها.
وعلقت كندة على الفيديو قائلة: "ما بعرف كيف عم لاقي وقت اعمل كبة هلق في بعض من الناس بتعلق يا لله مو لابسة فستان السندريلا وهي عم تعمل كبة مشوية ... الحياة بسيطة بحلاوتها كل شخص بيرسم الشي لي بحبو بطريقتو لكن في ناس كتير بتحقق نجاحها عن طريق الدعاية والإعلان وهاد الشي لي عم يزيد عقد المجتمعات ويخلي الناس تمشي متل العميان مشان تعمل متل بعضها ... ".
وأضافت كندة في إشارة منها إلى أنها تعمل مع جميع المخرجين وليس مع زوجها المخرج ناجي طعمي: "البالونات بتصير كبيرة بس بالأخير بتطق و ما بيضل منها غير الجلدة ... كممثلة بلشت من مسرح بالضيعة!! ما نطرت دعم من حدا ولا سايرت مخلوق مشان غاية او استخدمت الناس وسيلة ...بشغلي ما دققت على اسم مخرج اذا كبير ولا صغير او شركة انتاج او مين هي بعتمد بقراري على الورق والآجر بس وبكل صراحة عم احكيها ... من اول ما بلشت كنت موجودة مع كل الناس واشتغلت مع اغلب مخرجين البلد بقناعة تامة انو النجاح بيجي من خلال الشخص نفسو و شو قادر يعمل .. ".
يشار إلى أن كندة أنهت في بداية الموسم تصوير دورها في مسلسل "باب الحارة" بالإضافة إلى تصوير عدة حلقات من مسلسل "شبابيك" للمخرج سامر برقاوي .
الموضوع السابق
