مع تزايد حالات التنمر بأبناء النجوم على مواقع التواصل الاجتماعي، وادعاء أن الطريق إلى النجومية في عالم الفن بات حصرا لهم بدعم من أسرهم، كشفت النجمة رانيا محمود ياسين زيف ما يتردد حول "التمثيل بالوراثة"، مؤكدة أن مشوارها الفني لم يكن مفروشا بالورود رغم إنها ابنة واحد من أهم نجوم السينما المصرية ووالدتها الفنانة شهيرة كانت ممثلة كبيرة ومهمة.
وتحدثت رانيا عن نشأتها والصعوبات التي واجهتها خلال عملها بالوسط الفني، عبر منشور مطول بحسابها على موقع إنستقرام، قائلة: "أنا رانيا محمود ياسين متزوجة من الفنان محمد رياض وأخي الكاتب والفنان عمرو محمود ياسين: نشأت وترعرعت في بيت فني من طراز رفيع أب أكبر نجم في مصر وفتى الشاشة الأول وأم فنانة كبيرة ومهمة ولكن وقتها واهتمامها الأهم هو أولادها ربنا يخلي ويبارك في أبويا الفنان والنجم الكبير والأب العظيم محمود ياسين، والنجمة والأم العظيمة شهيرة".
اضافت: اتعلمت في هذا البيت أن المهنة دي اجتهاد والتزام وصبر ومعاناة علشان توصل وإن احترامك لجمهورك من احترامك لنفسك، اتعلمت حب للمهنة دي بكل معاني الكلمة مهما كانت الصعاب لازم أخلص لشغلي وأديله من وقتي وصحتي وتركيزي وأعرف إني بقدم رسالة وبقدم شئ يسعد الناس، يعني بلعب دور علشان ألعب علي مشاعر الناس وأخاطب عقولهم يا إما أنجح انهم بصدقوني يأما يقولوا مكنتش موفقة وساعتها ده اصعب احساس".
وواصلت رانيا حديثها قائلة: ولما تنجح تبقي أحلى فرحة في الدنيا إنك أسعدت الناس وبعدها تدخل دوامة يا ترى أعمل إيه تاني يعجب الناس، كل القيم دي عشت بيها واتربيت عليها اترسخت جوايا بالرغم من كل زمن العبث اللي إحنا بقينا فيه اللي إني ما زلت لا استطيع أن أكون غير الفنانة الملتزمة لا أعرف أضرب أوردر ولا لما قسط الفلوس يتأخر أهدد إني مش نازلة ولا أعرف أعمل أي حاجة علشان أكون متواجدة وأهو شغل وخلاص.
واختتمت حديثها بقولها: كل ما ابتعد شوية علشان ظروف بيتي وأولادي ارجع أعاني علشان استرد مكانتي.. هذه المهنة مش زي ما الناس شايفاها بريق وأضواء وفاكرين إننا كلنا بناخد فلوس فظيعة، مهنة صعبة عايزة صبر وجلد وصراع واجتهاد علشان تحقق اللي نفسك فيه مش معني إنك ابن النجوم إن الطريق ملئ بالورود لأ هو ملئ بالورود الجميلة اللي مليانة بالأشواك.
لمشاهدة أجمل صور المشاهير زوروا أنستغرام سيدتي
