كشف الفنان ياسر جلال، للمرة الأولى سر غيابه وتراجع أسهمه في عالم الفن رغم انطلاقته القوية في مسلسل "سعد اليتيم" عام 1997، ومشاركته النجمة نادية الجندي بطولة فيلم "بونو بونو" كأول نجم من جيله، مؤكدا أن "شخصية مهمة لن يذكر اسمها" منعته من التمثيل، وضغطت على شركات الإنتاج لمنعه من المشاركة في أي عمل فني، بسبب قصة يحتفظ بتفاصيلها.
وأضاف ردا على سؤال عن أصعب موقف مرّ عليه في حياته إلى أنه سبق وتعرض للاضطهاد ومُنع من التمثيل بالقوة، وتابع قائلا خلال حواره مع برنامج top trending، عبر شاشة قناة ten: في مرة أنا اضطُهدت، بسبب قصة معينة، وده أثر عليّا في شغلي، وشبه تم منعي من ممارسة التمثيل اللي هو أكل عيشي وتخصصي، وأنا مكانش ليّا فيها ذنب، ومكانش المفروض من حق حد يعمل كده، خاصةً أني كنت في عز نجاحي، كنت ناجح جدا، بعد مسلسل (سعد اليتيم) عام 1997.
وواصل كشف تفاصيل الأزمة بقوله: المسلسلات اللي كانت بتجيلي ترجع تتاخد مني تاني، مكنتش عارف إيه السبب، لحد ما زميل ليّا قالي السبب، حد كبير أوي كان حاططني في دماغه وهو اللي كان مانعني من الشغل، مش هقدر أقول اسمه طبعا، وده أثر على نفسيتي جدا، كنت بركب عربيتي وأمشي ألاقي دموعي بتنزل لأني مكنتش عارف أعمل إيه، وده من المواقف العصيبة عليّا جدا جدا.
وأكد ياسر تاثره نفسيا بما حدث وقال: اتهزيت نفسيا جدا، حسيت إن مستقبلي على المحك وضاع، حد قفلي باب الرزق بتاعي، وقعدت حوالي سنة على الحال ده.
لمشاهدة أجمل صور المشاهير زوروا أنستغرام سيدتي
