كشفت الفنانة هدي هاني نجمة مسلسل "يوميات ونيس" عن تجربة نجاتها من الموت المحقق، بعد تسريب غاز أول أكسيد الكربون من سخانات تدفئة حوض السباحة، مؤكدة إنها كانت برفقة أخريات تم احتجازهن في غرفة العناية المركزة، وخضعن جميعا لفحوصات مكثفة على المخ والصدر.
هدى قامت بنشر مقطع فيديو أثناء خضوعها لأشعة مقطعية على المخ، وعلقت عليه عبر حسابها بموقع الفيس بوك قائلة: أنا من الناس اللي عمري ولا نزلت صورة ليا وأنا مريضة أو فيا حاجة مكسورة أو مركبة كانيولا أو أقول ادعولي أو أي حاجة من دي.. (لأني مش بفضل اعمل كده) بس التجربة المرة دي غريبة ومختلفة وحبيت أشاركها معاكم عشان تاخدوا بالكم كويس وربنا أراد أني ابقي فيها والحمدلله علي كل حاجة ربنا يعملها.
أضافت: ده كان أشعة علي المخ والصدر وطبعا تحاليل دم وتركيب أكسجين وغيره وغيره وناس دخلت الرعاية المركزة عشان تسمم دم ونقص الأكسجين في الدم، اللي حصل إن أنا و٤ بنات معايا كمان استنشقنا غاز أول أكسيد الكربون مع غاز الكلوريد الناتج من حمام السباحة وسخانات احتراق الوقود اللي طلعت لنا الشي اللي استنشقناه من غير ما نحس بيه، لأنه ولا لون ولا طعم ولا رائحة خالص، وده الغاز اللي بيسموه (الموت اللذيذ )لأنك مش بتحس باي حاجة غير أنك بيغمي عليك وأنت ونصيبك.
تابعت قائلة: الأكسجين بيحصل أنه مش بيوصل للمخ ودي معروف بيحصل بعدها إيه، مش عارفة إيه حل الموضوع ده غير أنكم تأمنوا نفسكم كويس وتاخدوا بالكم من سخانات الغاز اللي في البيوت، وفي الأول والآخر ربنا بيسترها معانا، قدر الله وما شاء فعل اتكتب لنا عمر جديد والحمد لله رب العالمين.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
