تقدم المطرب رامي جمال باعتذار من زوجته بعدما تعرضت لموجة من السخرية بسبب تهنئته لها بيوم ميلادها، بمنشور ساخر أراد به الدعابة، ولكن خانه التوفيق – حسب قوله_ وتحول لمادة للاستهزاء بها عبر مواقع التواصل الاجتماعي، واعترف رامي بأنه أخطأ عندما خرج بحياته الخاصة إلى العلن.
رامي نشر صورة له برفقة زوجته عبر حسابه بموقع إنستقرام، وعلق عليها برسالة خاصة إلى زوجته ناريمان قال فيها: اسف لو اتضايقتي يوم عيد ميلادك مني بشكل مباشر او غير مباشر اصابني عدم التوفيق في استخدام كلامك وهزار اعتبروه البعض استهزاء او انتقاص من اهم شخص في حياتي رغم اني عارف وواثق في تفكيرك وطبيعه حياتنا اللي بمميزاتها وعيوبها قررت انها تكون مش للعلن.
وتابع قائلا: الاراء السلبيه اللي شفتها واللي انتي شفتيها لمجرد محاولتك اثبات ان كلامي عنك هو اصلا بوست ليكي قبل البوست بتاعي جدعنه منك غير مستغربه للاسف قوبلت بانك شفتي فعلا كلام من البعض يضايق وبما اننا عايشين مع ناس انا بعتذر لك عن اللي حستيه بسبب هزار عارف انك قابلاه بس من حب ربنا فيكي.
وواصل بقوله: ومن سوء التوفيق ليا ان الناس شافته اهانه وقررت تدافع عنك من غير كلام كتير اسفلك واسف للي ضايقهم الموضوع وشكرا جدا ليكي واللي فهموا قصدنا من الاول بس الدرس المستفاد اني غلطت في نشر حياتي للعلن اوعدكم مفيش كلام غير في اللي بشتغل فيه بحبك.
ورأت زوجته ناريمان أن الاعتذار لا مبرر له وعلقت على رسالة زوجها بقولها: مش عارفة بتتأسف عليه وليه وبقولك تانى طريقة هزارك دى مش بتضايقنى ولا هزارى معاك بيضايقك ولو بيضايق الناس فا خلاص مفيش داعي يشوفوه لكن هوا ولا غلط ولا حاجة محتاجة اسف بالنسبالى وانا بحبك زى ما انت ومحبش ان اى حاجة ف الدنيا تضايقك.
لمشاهدة أجمل صور المشاهير زوروا "انستغرام سيدتي"
ويمكنكم متابعة آخر أخبار النجوم عبر تويتر "سيدتي فن"
