تفاعل جمهور ليالي الفنون الخالدة مع الفنانة مي فاروق عندما غنت بإحساس عالٍ أغنية الراحل الفنان عبد الحليم حافظ "جانا الهوى" وأخذوا يرددون معها الأغنية بحماس وبعد أن انتهت من أدائها طلبوا أن تعيد الأغنية فلبت طلبهم وإعادة المقطع الأخير لهم، وتعد هذه الأغنية من الأغاني الجميله ل عبد الحليم وهي من كلمات محمد حمزه وألحان بليغ حمدي.
جانا الهوى جانا ورمانا الهوى رمانا
ورمش الأسمراني شبكنا بالهوى
آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي
يا راميني بسحر عنيك الاتنين
ما تقوللي واخدني ورايح فين
على جرح جديد والا التنهيد
والا على الفرح موديني
أنا باسأل ليه واحتار كده ليه
بكرة الأيام حتوريني
خلينا كده على طول ماشيين
آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي
عدينا يا شوق عدينا
على بر الهوى رسينا
دنا عمري معاك وهوايا هواك
زوق يا نسيم خطاوينا
ويا نجوم السما ضمينا
وخدينا بعيد وحدينا
وخلينا كده علي طول ماشين
آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي
طوحنا يا هوى يا هوى طوحنا
وأمانة ما يوم يا هوى تجرحنا
وإن خدنا الشوق ريحنا
خلينا كده على طول ماشين
آه ما رمانا الهوى ونعسنا واللي شبكنا يخلصنا
دا حبيبي شغل بالي، يابا يابا شغل بالي
