التغريدة التي نشرها الفنان راغب علامة، بعد شائعات ساخرة أفادت عن تواجده في المقهى الذي أحبطت القوى الأمنية اللبنانية عملية ارهابية فيه قبل حدوثها، مازالت تنتشر على صفحات "تويتر".
فبعد أن رد عليه المخرج ناصر فقيه، وثأر له الفنان جو رعد، رد طارق كرم منتج برنامج "هيدا حكي"، وشقيق عادل كرم على علامة قائلاً: " ردًا عا تهيّئات راغب علامة: مستحيل حدا من فريقنا ينكت عليك مبارح لإنو منعرف كتير منيح إنك ما كنت بالكوستا لإنو أكيد مش رح تدفع حق فنجان قهوة"، في إشارة منه الى بخل علامة، الذي يصفه به البعض.
وأضاف: "لبنان كلو عم بيستلمك بعد كل عملية،ما بعرف كيف تهيّئلك إنو في حملة منظمة عليك، إلا إذا منك واعي إنك صرت فيلم هزلي".
وتابع: " لو حدا فاضي يعمل حملة عليك، في كتير إشيا بتزعلك وبتبسط كتير ناس بس ما حدا فينا إلو جلادتك صراحة ونحنا ولاد أصل".
وختم قائلاً: " بتتخايل في حدا معقول يصدقك إنو في حدا عم بيطلّع عنك إشاعات!!! صاير بتجي حضرتك قبل الإنفجار يا أستاذ".
