وجّه الفنان تامر حسني رسالة لجمهوره بمناسبة حلول ليلة النصف من شعبان، طالباً منهم الدعاء له، وكعادته في السنوات الأخيرة؛ قدم تامر عدة نصائح لمتابعيه لاستغلال هذه الليلة المشهورة برفع الأعمال وقبول الدعاء، وطالب كل من أخطأ في العام الماضي بعدم اليأس من محاولة التطهر، سواء بالصيام أو الدعاء.
تامر حسني ناشد كل متابعيه على موقع الفيس بوك بقراءة المنشور الخاص بليلة منتصف شهر شعبان حتى النهاية، وأضاف: "معلش بعد إذنكم اقرأوا كلامي للآخر (نص شهر شعبان) من النهارده لبكرة أعمالنا بتترفع لربنا، يعني كلنا نلحق نستغفر ونطلب من ربنا يسامحنا".
تابعي المزيد: بسمة بوسيل بالفيديو: الطلاق من تامر حسني أصعب قرار في حياتي
تامر حسني: مهما أخطأت اطلب العفو والمغفرة
وتابع: "محدش يتخيل إنه عمل أخطاء كتير فمالوش عين يطلب. لا لا لا مهما عملت اطلب حالاً ويا ريت لو نصوم بكرة أنا هعمل كده، أي حد عنده شغل يا ريت يفضى شوية وقت عشان يستغفر ويدعي كتير بقدر الإمكان، اليوم ده ليه سحر وأنا جربته كتير قبل كده وهتحسوا في قلوبكم إن فيه حاجة اتشالت من عليكم وبقيتوا مبسوطين أكتر، ادعوا بكل اللي تتمنوه أوي أوي".
تامر حسني: انتهزوا فرصة التخلص من أي ذنب كبير
واستكمل: "فرصة لأي حد عمل ذنب كبير غصب عنه أو قاصد بس ندمان، فرصة إن ربنا يسامحه دلوقتي بس نفتكره ونطلب منه، يلا يا جماعة من دلوقتي لبكرة اعتبروا إن ده يوم بسنة كاملة وجايز بكرم ربنا يبقى يوم بحياتك كلها اجتهدوا فيه أوي من صلاة، من تصدق، من ذكر، من دعاء، من صلة رحم، اليوم ده تقدر من خلاله تبدأ صفحة جديدة مع نفسك ومع ربنا، إوعى تحس إنك بعيد ومتسمعش كلام أي حد يقولك يا عم انت بتعمل وبتعمل، قوله ملكش دعوة، ليا ربنا هيحاسبني مش انت".
تامر حسني: محتاج دعواتكم جداً
وأضاف: "نخلي عندنا يقين مش عادي، ركزوا على كلمة يقين مش عادي إن ربنا سامعنا وهيستجيب لنا وهيحققلنا اللي بنتمناه واللي هيكون صالح لينا وهيسامحنا. عشان تفرق كتير أوي لو بتدعي وعندك يقين أو معندكش بتفرق كتير أوي صدقوني، ومتنسوش تدعولي معاكم بعد إذنكم محتاج دعواتكم جداً".
لمشاهدة أجمل صور المشاهير زوروا «إنستغرام سيدتي»
وللاطلاع على فيديوغراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
