استعادت الشاعرة منة القيعي ذكريات نجاحها في موسم رمضان 2025، والتفاعل الجماهيري مع الأغاني التي كتبتها طوال الموسم، حيث جاء ذلك بالتزامن مع حصولها على 7 جوائز دفعة واحدة في يومين، خلال تكريمها في "كأس إنرجي للدراما" و"جوائز قمة الإبداع"، قائلة: "7 جوايز حصيلة 7 شهور مروا بكرم الله ولطفه.. اللهم لك ألف حمد وشكر".
مرض منة القيعي
وكشفت منة القيعي كواليس تعرضها لأزمات صحية مفاجئة، ونوبات قلق وتوتر وصعوبة شديدة في التنفس، بالتزامن مع تحضيرها لتلك الأغاني، قائلة عبر حسابها على "إنستغرام" : "حكاية ماكنتش ناوية احكيها.. بس هحكيها.. من 7 شهور وإحنا لسة بنسخن عشان نحضر لشغل رمضان، حسيت بصعوبة في التنفس كانت بتزيد كل يوم، إلى أن تحول الموضوع لنوبات اختناق تقريبًا.. كانت بتتسبب في تسارع في ضربات القلب توصل لـ180 أو 190، وأوقات كتير الموضوع كان بيطول.. كنت بحس إني مش هعديها".منة القيعي تتعرض لحادث سير
وتابعت: "بعد شهر واتنين من الفحوصات والتشخيصات المختلفة، جالي نوبة من دول وأنا سايقة وتسببت في حادثة كانت صعبة شوية، راحت فيها عربيتي والحمد لله برضه نجوت منها بإصابات خفيفة، وكنا بنحمد ربنا ألف حمد.. بعدها الأمور تدهورت أكتر، والنوبات كانت بتوصل لمرتين و3 و5 في اليوم الواحد.. فيه أيام كنت بوقف عربيات ناس معرفهاش في الشارع وأقولهم خليكوا معايا من الخوف"، متابعة "ابتديت رحلة علاج طبيعي للتنفس، وكنت حرفيًا بتعلم إزاي أتنفس من الأول.. واليوم اللي كنت بتنفس فيه صح لدقيقة متواصل كنت بعيط من الفرحة.. ويوم بيعدي ويوم أحس أنه مابيعديش لحد ما وصلنا لهنا".كواليس كتابة أغاني منة القيعي
وأضافت: "الـ7 شهور دول، هما اللي ربنا كرمني فيهم بالاغاني دي... صاحبي يا صاحبي لـ بهاء سلطان وكل سنة وتقابل حبيب وإلى آخره من الشغل اللي اتعرض في رمضان 25.. أغاني منهم اللي اتكتبت وأنا في مستشفي واللي اتكتبت وأنا على جهاز تنفس واللي اتكتبت وأنا بعيط.. فيه أيام من الإحباط كنت بفكر أبطل أحاول أخف.. بس عمري ما فكرت أبطل كتابة.. وكنت بدعي ربنا يكرمني ويجازيني وكنت بكلمه وأقوله يارب وقفني ووقفني على رجلي تاني".لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
