وجه المخرج محمد سامي، رسالة عاجلة إلى جمهور الفنان تامر حسني الذي انهال عليه بالسباب طوال ال 24 ساعة الماضية، وأكد سامي أنه لا يعرف حتى الآن سبب الهجوم عليه، علما أنه دائم الإشادة بالنجم تامر حسني، ولا يعقل أن تكون كلماته عن النجم عمرو دياب السبب في كل هذا السباب الذي يوجه له.
الهجوم على محمد سامي من جمهور تامر حسني جاء عقب انتشار تصريحات له عن النجم عمرو دياب تم تفسيرها وكأنها تتضمن تقليلا من قيمة تامر حسني، ما دفع سامي لتوجيه رد عبر حسابه بموقع الفيس بوك قائلا: أنا معرفش ليه جمهور تامر حسني زعلان مني، وقاعدين يشتموني علي كومنت كتبته علي عمرو دياب، وبيفكروني بأفضال تامر وأن هو اللي قدمني واللجان شغالة، وأنا عارف مين اللي بيكتب، مع أني أنا مش محتاج تفكرني قصدي تفكروني.
وأضاف: أنا دايمًا بشكر في تامر، وتامر خطوة مهمة جدًا في حياتي وقصر لي السكه كتير، وضافلي ووشه كان خير عليا، وبقول ده طول الوقت في البرامج ولكن مش معنى إني أشكر في قيمه وقامه زي عمرو دياب إنك قصدي انكم تشتمني قصدي تشتموني.
وتابع قائلا: حتى لو سألتو تامر نفسو هيقولكوا عيب، عشان دي مش أخلاق تامر، أنا أكتر واحد عارفه وعارف أخلاقه، وكمان مش هينفع تكتبو اللي بتكتبوه، بتاع معملتش حاجه إلا أدم والكلام ده لأني ده ينفع مع حد صغير عنده عمل ولا اتنين ولا تلاته، وتامر نفسه في مداخلات في برامج قال غير كده خالص”
واختتم رسالته بقوله: رأي الفنان مش حكر على حد ولا رد الجميل هو التقليل من القامات الكبيره زي عمرو دياب، وياريت تعرف قصدي تعرفو أني شتيمة لجان إلكترونيه ليا في التوقيت ده بالذات في وسط وهج عمل يشغل الوطن العربي بأهمية البرنس، لن يضيف لكم بالعكس ممكن يزعل الناس من جمهور نجم محبوب بقيمة النجم تامر حسني.
لمشاهدة أجمل صور المشاهير زوروا أنستغرام سيدتي
