فن ومشاهير /أخبار المشاهير

محمد ممدوح يرفض توريط رجاء الجداوي في أزمة وفاة طبيب شاب بفيروس كورونا

رجاء الجداوي تأكدت إصابتها بفيروس كورونا وتخضع للعلاج
أول ظهور للفنانة رجاء الجداوي داخل مستشفى العزل الصحي
محمد ممدوح يرفط الربط بين رجاء الجداوي والطبيب المتوفي
رسالة محمد ممدوح دفاعا عن رجاء الجداوي
المقارنة بين الاهتمام بالفنانة رجاء الجداوي وإهمال الأطباء اثارت أزمة في مصر
رجاء الجداوي تعرضت لهجوم عبر مواقع التواصل الاجتماعي
رجاء الجداوي خضعت لعلاج سريع وتم نقلها إلى مستشفى العزل الصحي

بعد تزايد الاعتراضات على الاهتمام الزائد والسريع بحالة الفنانة رجاء الجداوي بعد تأكيد إصابتها بفيروس كورونا، في مقابل حالات الإهمال المتزايدة للمصابين من الأطباء والتي أودت بحياة طبيب شاب مؤخرا لم يجد علاجا من الفيروس نفسه، تدخل الفنان محمد ممدوح مطالبا بعدم الزج باسم رجاء الجداوي في الأزمة لأنها غير مسئولة إلا عن نفسها فقط.

رجاء الجداوي
الاهتمام السريه بعلاج رجاء الجداوي يثير أزمة في مصر

وقال ممدوح في بيان غاضب عبر حسابه بموقع إنستقرام: أستاذة رجاء الجداوي من أطيب وأنضف الناس اللي اتعاملت معاها في حياتي، وأظن إن كلنا متفقين على ده، لأني عمري ما شفت حد زعل منها أو هاجمها، فمظنش إن لو كان لقدر الله جرالها حاجة وهي في بيتها بسبب تقصير في الإجراءات كنت هتكون مبسوط ساعتها، بالعكس كانت الدنيا هتقوم مش هتقعد وكنتوا هتغضبوا أكتر من دلوقتي بكتير وأنا واثق من ده.

 

وأضاف: ده مش مبرر أبدا للتقصير اللي حصل مع الدكتور وليد الله يرحمه وباقي الدكاترة اللي نحتسبهم عند الله شهداء بإذن الله، اللي فقدوا حياتهم أثناء تأدية واجبهم تجاهنا وتجاه بلدهم، فاللي إحنا المفروض نعمله إيه دلوقتي؟ ندعى لأستاذة رجاء إن ربنا يشفيها ويقومهالنا بالسلامة وندعى لشهدائنا من الأطباء ربنا يسكنهم فسيح جناته ويصبر ذويهم، ونطالب وزارة الصحة بتطبيق أعلى معايير الوقاية والسلامة على أطبائنا في الصفوف الأولى، لأن هما في البداية بشر وقرروا يضحوا بنفسهم عشان كل واحد فينا، وكمان لأنهم سبيلنا الوحيد للمرور من الأزمة دي.

 

واختتم رسالته قائلا: حاجة كمان.. ياريت نبطل نمشي ورا الإشاعات ومش أي خبر نقابله نصدقه.. حفظ الله مصر بأطبائها وجيشها وشعبها بجميع فئاته وأطيافه على حد سواء.

ممدوح تلقى ردودا متأثرة بأزمة وفاة الطبيب الشاب نتيجة الإهمال، وقالت إحدى المتابعات: محدش قال انها تموت بالعكس ربنا يشفيها وكلنا بنحبها بس الأطباء اللي بيعالجوا الفنانة رجاء من حقهم يتعاملوا سواسية! واي حد بيجيله نفس المرض يتعامل سواسية ! هو حتي ف الوباء هنميز بين الناس!

وأضافت المتابعة: دكتور وليد فضل يتحايل عليهم لحد ما مات ف عز الشباب و عنده ابن ٥ شهور ! مشافش ابوه ولا يعرفه ! و الفنانة رجاء بنتها كلمت الوزيرة مباشرة واتوفرلها غرفة vip و عناية مركزة ! الناس طلبوا مواساة ف بلاش البوستات اللي انتوا مغرقنا بيها من امبارح دي عشان لا شماتة ف موت و لا مرض و محدش شمت فيها نهائي و رجاءً متعملوش مسلسلات رمضان الجاي عن الجيش الابيض و الهري ده و تركبوا التريند! ربنا يطلعنا منها علي خير!

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"

مواضيع ممكن أن تعجبك

أضف تعليقا

X