بعد الصور الأخيرة التي انتشرت لـ نجمة "ذا فويس كيدز" غنى أبو حمدان على مواقع التواصل الاجتماعي وانتقاد البعض لها بسبب تغير شكلها بشكل كبير عما كانت عليه في البرنامج قبل 5 سنوات وقالت: " شكلي بس اقرأ تعليقات كيف كبرت غنى كنت أكبر منها. كيف صارت أكبر مني. بيكفي سخافة وقد ما عملتولي تاغات مارح رد. خلص أنا غنى العملاقة الصغيرة امبارح غنيت عطونا الطفولة نمتوا فقتوا لقيتوا عمري 14 سنة معقول".
تابعي المزيد: هنا الزاهد تتخلص من "التاتو" الموشوم على جسمها وتحذر جمهورها .. فيديو وصور
وأضافت: "كيف هيك كيف كبرت لازم أتقلص وأصغر كيف هيك؟ لازم من وقت خلص البرنامج من خمس سنين ارجع أصغر. لازم يكون عمري هلق 3 سنين كيف هيك كبرت لحالي وكل العالم بتصغر. مسخرة ما؟ بتمللوا ما؟ لكل يلي صغروا وأنا كبرت الناس مقامات يبدو".
وتابعت غنى: "صباح الخير من جديد. أول شي بدي اتشكركم على دعمكم وتفاعلكم واهتمامكم من قلب قلبي شكراً لمحبتكم. بخصوص آخر بوست نزلته قصدت فيه الناس المسيئين يلي بتكتب تعليق بطريقة غير محترمة وبتسيء وماعممت".
وأضافت: "بتفهم تفاجئكم لاختلاف شكلي بس أنا متل ما أنا بعدني غنى يلي حبيتوها كبرت وعم أكبر على محبتكن وعم تابع دراستي والاهتمام بالموسيقى وخلصت من فترة تسجيل سينغل جديد قريباً رح تنزل و فيكم تشوفوا على تطبيق يوتيوب قناة الطفولة حياة الموسيقية كل اعمالي الغنائية من لما طلعت من برنامج ذا فويس كيدز لليوم.. مر على التجربة خمس سنوات وليس أربع سنوات. أكيد رح أكبر وعم أكبر بمحبتكم ودعمكم الي وأهلا وسهلا فيكن جميعاً على حسابي الرسمي وللتعليقات المسيئية بعتذر إنو رح أعمل بلوك وهاد ردي الوحيد رح يكون شكراً".
