فن ومشاهير /أخبار المشاهير

أوس أوس يهاجم جمهوره بعد انتقاده وزوجته: دمرتوها نفسيا بكلامكم المريض

أوس أوس يتهم بعض متابعيه بتدمير زوجته نفسيا
أوس أوس وزوجته تعرضا لانتقادات بعد حضورهما حفل زفاف شقيقة مصطفى خاطر
رسالة غاضبة من أوس أوس دفاعا عن زوجته
رويدا زوجة أوس أوس حضرت حفل الزفاف بملابس الحداد
أوس أوس يكشف سبب مشاركته ببطولة مسرحية صباحية مباركة
أوس أوس تلقى دعما من أشرف زكي عقب وفاة طفله الرضيع
أوس أوس لحظة احتفاله بولادة طفله الراحل
أوس أوس يؤكد أنه يضحك الجمهور وهو حزين
أوس أوس تلقى نصائح بتجاهل التعليقات المريضة
أوس أوس يعتذر من زوجته بعد هجوم جمهوره عليها

عبر نجم فرقة مسرح مصر محمد أسامة "أوس أوس"، عن غضبه الشديد من الهجوم الذي تعرض له هو وزوجته بعد ظهورهما معا في حفل زفاف شقيقة الفنان مصطفى خاطر، على شقيق الفنان مصطفى بسيط، بعد شهور قليلة من الحداد على وفاة نجلهما.

 

وكتب أوس أوس رسالة مطولة يكشف فيها عن التأثير النفسي السلبي لرسائل جمهوره عليه وعلى زوجته، وقال عبر حسابه الرسمي على إنستقرام: أنا مش محتاج أبرر وأحكى أي حاجة عن حياتى والست اللى قلبى اخترها كنت ساعتها في أول موسم لتياترو مصر كنا نتقاضى مرتبات مش ممكن تفتح بيت وأول ما اتجوزت كنت قاعد في بيت إيجار كمان أنا بس هكتفى بالنقطتين دول علشان أصحاب العقول والنفوس المريضة يعرفوا ويبطلوا نغمة (الفلوس بتعمل أكتر من كده).

أوس أوس
رسالة أوس أوس الغاضبة دفاعا عن زوجته

وتابع: الفلوس ممكن تشترى سرير بس ماتشتريش النوم! ومش أنا بس دا أغلب المشاهير اللى بتحسدوهم على حياتهم دلوقتى ماتعرفش بدأ من امتى واتبهدل إزاى ولولا وجود حد جنبه بيسنده ويدعمه ماكنش هيعرف يعدى من أي مشكله نفسية أو مادية في حياته.

 

وأضاف: مش معنى إنى بنزل أشتغل أو بتصور وأنا مبسوط ده معناه إنى هموت من الفرحة بس دى مهنتى واجبى ناحية جمهورى إنى أخرجه من أي حزن هو فيه كل ده بعمله على حساب حزنى وجرحى ووجعى أنا ..وفى الأخر بتشتم برضه !.

 

وتابع قائلا: أنا بقول الكلام ده ولن أسمح بأى تدخل في حياتى الشخصية مرة أخرى سواء بالخير أو بالشر أو دخول اسم مراتى في أي كلمة من كلام المرضى النفسيين، مراتى اللى أخوها متوفى وابنها متوفى وما صدقت أول مرة أخرجها نروح مناسبة ودمرتوها نفسيا تانى بكلامكم المريض..حسبى الله ونعم الوكيل فيكم.. حقك عليا ياست الكل، سكت كتير وكنت بعدى لكن مفيش فايدة.. كل واحد يركز في حياته.. الطموح حلم مشروع عند كل الناس أسعى واتعب وكافح وربنا اللى بيكافئ مش البشر بدل ماتفضل تبُص في حياة الناس.

أوس أوس وجد دعما كبيرا من نجوم الفن وأولهم أحمد السعدني الذي تطاول على كل من كتب كلمة بحق زميله أو زوجته، بينما نصحه شيكو بعدم الاهتمام بما يقال وأضاف: والله يا اوس اوس ما يستاهلوا تضيع وقتك في الرد دا كله...بص قدامك وسيبك منهم مش هيبطلوا يكتبوا وركز في شغلك وحياتك وربنا يخليكم لبعض يا اطيب واحد فينا.

 

إيمان العاصي وصفت منتقدي أوس أوس وزوجته باشباه البني آدمين، وقالت: حبيبي يا اوس اوس ربنا يخليلك رويدا و متركزش مع اشباه البني ادمين دول، بينما وصفتهم زميلته إسراء عبد الفتاح بالناس المريضة وأضافت: حسبي الله و نعم الوكيل فيهم وفي قلوبهم السودا ربنا ينتقم منهم، ربنا يخليكوا لبعض يارب و يقويكوا و يسعدكوا و ماتشوفوش حاجة وحشة تاني أبدا.

 

يذكر أن بعض رواد السوشيال ميديا انتقدوا أوس أوس بسبب مشاركته في مسرحية "صباحية مباركة" التي تعرض حاليًا، كذلك حضوره وزوجته، حفل زفاف أخت مصطفى خاطر، على شقيق مصطفى بسيط، رغم مرور شهور قليلة على وفاة نجله طفله الرضيع البالغ من العمر ثلاثة شهور فقط بطريقة مأساوية.

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"

مواضيع ممكن أن تعجبك

X