اكتب الكلمات الرئيسية فى البحث

صلاح عبد الله يرثى نفسه بقصيدة مؤثرة ويضع شرطا لقراءتها بعد وفاته

صلاح عبدالله أوصى جمهوره بحفظ القصيدة وتذكرها يوم وفاته

بعد أيام قليلة من تكريمه في مهرجان الإسكندرية السينمائي، نشر الفنان صلاح عبد الله قصيدة شعر بالعامية المصرية، يرثي خلالها نفسه قبل وفاته، موصيًا الجمهور بقراءتها مرة أخرى بعد رحيله عن دنيانا، مع شرط حذف آخر ثلاثة سطور، وطلب صلاح من متابعيه، عدم التعليق وأن يحفظوا القصيدة ويتذكروها في "اليوم الموعود".

صلاح عبدالله
صلاح عبدالله تم تكريمه مؤخرا في مهرجان الإسكندرية

صلاح المعروف باتقان كتابة شعر العامية والزجل، نشر قصيدة الرثاء عبر حسابها بموقع الفيس بوك، وعلق عليها قائلا: مِش عايزكوا تليكوا ولا تعلقوا/عايزكوا بس تسيفوها(تحفظوها)/ ولما ييجي اليوم المنظور/آخر تلات سطور/بعد الفاتحة إحذفوها.

 

#نثرية_بالعامية_المعمية مِش عايزكوا تليكوا ولا تعلقوا/عايزكوا بس تسيفوها/ ولما ييجي اليوم المنظور/آخر تلات سطور/بعد الفاتحة إحذفوها

تم النشر بواسطة ‏صلاح عبدالله‏ في الجمعة، ٢٠ نوفمبر ٢٠٢٠

وتقول كلمات القصيدة: لما مت عملتوا إيه؟!، كان نفسي أشوفكم، بس ماقدرتش أشوف لأني مت، بس وحياة ميتينكوا، والكلام بيني وبينكوا لما مت زعلتوا عليا قد إيه؟، يوم.. يومين تلاتة بالكتير مش بلومكم، دا أنا عايزكوا تعيشوا يومكم، صدقوني يومين كتير كفايه يوم.. أو 1/2 يوم أو 1/4 يوم، أو ربع ساعة فقط لا غير مش مهم، المهم لما تشوفوا صورتي أو تيجي سيرتي.. تذكروني، تذكروني بكل خير، وحبذا لو كانت الذكرى بدموع، أو شحتفة أو حشرجة أو نهنهة”.

 

تابع: قصدي خلوا الحالة تبدو إنها، حزن فاق كل الآفاق، في قلب من ألم الفراق موجوع، واوعوا تنسوا، اذكروا محاسن موتاكم ولو مفيش، ألفولي حبة محاسن واذكروها، واكتبوها على صورتي وشيروها، أو لما تيجي سيرتي اسكتوا، اسكتوا وغيروا الموضوع، غيروا الموضوع لأني، للأسف.. لسه حي، لسه بهرب م اللي فات، لسه خايف م اللي جاي.

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"