مشاهير /مشاهير العرب

شاهد أحمد فهمي: لا أعاني من عقدة الفقر ولكن لدي عقدة أكبر

أحمد فهمي تعلم درسا من فيروس كورونا

أكد الفنان أحمد فهمي أن نشأته في أسرة فقيرة، ومعاناته مع الحياة في طفولته لم تتسبب في عقدة نفسية له، وإنه يتصرف بطريقة طبيعية بعدما كون ثروة من العمل في الوسط الفني، وأشار إلى استفادته من نصيحة والده ببذل أقصى جهد لتأمين مستقبله ماديا قبل بلوغ عامه ال 45.

أحمد فهمي
أحمد فهمي مع أحمد شعيب من كواليس البرنامج

وكشف فهمي عن تفاصيل معاناته مع الظروف المادية الصعبة أثناء مشاركته مع أحمد شعيب في برنامج "بصراحة مع" على شبكة قنوات MBC، قائلا: ولدت في عائلة فقيرة، ولدي 5 إخوات بنات وأخين من والدي، وكنا عائلة كبيرة وأبويا كان مرتبه قليل وحياتنا ماشية بصعوبة، وكان ترتيب بين اخواتي قبل الأخيرة، وابويا كان بيجيبلي جزمة مرة واحدة كل سنة، واللى حصل وأنا صغير معمليش عقدة لما اتشهرت وبقيت نجم ومعايا فلوس.

 

 

 

أضاف: عقدتي الوحيدة دلوقتي في الجزم، أنا أكتر شخص في العالم بيحب يشتري جزم، وافتكر إنى كنت بحاول أجمع مصروفي وأنا صغير علشان أوفر جزمة تانية غير اللى الجزمة اللي أبويا بيجيبهالي.

 

وواصل حديثه قائلا: المال بالنسبة لي مهم علشان تأمين مستقبل عيالي، ومش عايزهم يحتاجوا لحد.

 

وكشف فهمي عن نصيحة لا تنسى من والده قائلا: أبويا كان دايما يقولي اقعد اشتغل من قلبك لحد لما يبقي عندك 45 سنة واذا حصل لأي شيء إنك متقدرش تشتغل تكون مكون نفسك بشكل كويس وتقدر تعيش حياتك دون الحاجة لأحد لأن قوتك البدنية وصحتك هتقل بعد الـ45 سنة.

.

 وأكد أحمد فهمي أنه يمكنه وصف نفسه بالشخص الذكي والطيب والعصبي في كثير من الأوقات.

 

 

ولفت إلى أن فترة جائحة كورونا جعلته يعيش مرحلة الاتزان وأضاف: قبل كورونا كنت شخصا متسرعا وباخد قراراتي بسرعة دون تفكير وروية، ودلوقتي بقيت متزن جدًا.

 

وأكد أنه بالرغم من تأثره بمن حوله إلا أنه لا يثق إلا في آرائه.

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"

X