أسرة ومجتمع /أخبار أسرة ومجتمع

تبحث عن طليقة زوجها عبر الفيسبوك لتنقذها من مكيدة

فيسبوك

في تصرف إنساني استعانت سيدة عشرينية بفيسبوك؛ فباتت تجوب الجروبات الخاصة بالسيدات على موقع التواصل الاجتماعي؛ بحثاً عن طليقة زوجها التي تُدعى «مروة»، تبلغ من العمر 26 عاماً، وتقطن في منطقة عين شمس شرق العاصمة القاهرة؛ لإنقاذها من مكيدة يرتبها لها زوجها.


وشرحت الزوجة تفاصيل حكايتها لـ"سيدتي": «تزوجت من 8 شهور بالضبط، وكان جوازنا تقليدياً جداً، وكنت عارفة إنه منفصل عن واحدة قبلي وعنده طفل منها عنده 4 سنين دلوقتِ، بس مشوفتهاش قبل كده ولا نعرف بعض، واتجوزته عادي وعمري ما فكرت إنه يكون شخص وحش أو حاجة؛ لأني كنت شايفاه قبل الجواز حد محترم ودخل البيت على طول، وفي يوم سمعت جوزي ووالدته وهما بيتكلموا عن طليقته وابنها عشان مانعاه من الرؤية، وإنهم بيخططوا يخطفوا الولد منها كوسيلة ضغط عليها، وإنهم عرفوا مواعيد شغلها وكل حاجة عنها، وهيستغلوا عدم وجودها في البيت، وإن والدها رجل كبير في السن ومريض، وهيروحوا يخطفوا الولد من البيت».


وتواصل الزوجة العشرينية تحاول البحث جاهدة للوصول إلى طليقة زوجها «مروة»، لتحذيرها من خطف طفلها منها، «هي ست زيي زيها، ومش هقبل إنها تتحرم من ابنها، وعايزة ألحقها بأي شكل إنها تخلي بالها من طليقها وعيلته لأنهم مش ناويين على خير ليها أبدا، ومصممين إنهم ياخدوا الولد وبيخططوا لده بقالهم فترة، ومراقبين كل تحركاتها في الأيام الأخيرة عشان يحرموها منه».

مواضيع ممكن أن تعجبك

X