أعلنت الفنانة فريدة سيف النصر إصابتها بفيروس كورونا، بعد أقل من شهر على وفاة والدتها متأثرة بمضاعفات الفيروس اللعين، وكشفت فريدة عن معاناتها مع ألم شديد ولكنها أعلنت التحدي قائلة يا أنا يا أنتي يا كورونا.
فريدة كتبت عبر حسابها بموقع الفيس بوك: يا أنا يا أنتي يا كورونا، يا حبيبتي يا أمي، أد كدة كنتي بتتألمي؟ دعواتكم بالنصر في معركتي معاها، شديدة ولكن الله أقوى.
ياانا ياانتي ياكورونا الحقيره ياحبيبتي ياامي قد كده كنتي بتتألمي.دعواتكم بالنصر في معركتي معاها،،شديده،ولكن الله اقوي.
تم النشر بواسطة Farida Saif Elnasr في الاثنين، ٢٦ أبريل ٢٠٢١
وسبق أن أعلنت الفنانة فريدة مطلع الشهر الجاري عبر صفحتها الشخصية على موقع الفيس بوك"، وفاة والدتها متأثرة بإصابتها بفيروس كورونا، وكشفت فريدة عن موقف مؤثر جدا، حيث تنبأ الكلب الخاص بوالدتها بالوفاة قبل حدوثها ب24 ساعة كاملة.
فريدة ودعت والدتها برسالة مؤثرة قالت فيها: أمي رحلت مشيت سافرت يعني ايه؟ ياروحي ياحبيبتي، مش هنفطر عندك أول يوم رمضان كده برضه يا لوزة.
وواساها الفنان صلاح عبد الله قائلا: مش عارف أعمل إيه ولا أقول إيه غير، إنتي ربنا يصبر قلبك وأمك في جنة الرحمن بإذنه ورحمته؟
وقبل الوفاة بيوم كامل نشرت فريدة سيف النصر واقعة تخص "ميتشو" وهو الكلب الخاص بوالدتها، قائلة: هاتضحكوا عليا لو قولت لكم بادعي للكلب بتاع امي يخف كان زي الفل ميتشو امي كانت تطلع له اكله كل يوم في الجنينه بتاعت البيت لما مابقتش بتتحرك ياحبيبتي والولاد دخلوا له اكله مارضيش ياكل واول مره يزق الباب بتاع المطبخ ويدخل جري عالصاله وعلي سريرها دوغري وتحت رجليها وقسما بالله بيبكي وبصوت.
تابعت قائلة: خرجوه بالعافيه..امي معلقين لها محاليل واوكسجين ومابتاكلش وعلي كلمه واحده اه.،متخيلين مابياكلش من يومها والنهارده نايم علي ظهره عند شباكها من ورا بيخلص وبيقول اه كأنه بيرد عليها انا مش مستوعبه ازاي كده.، ميتشو بيموت دكتوره اماني بيطريه قالت كده ومن غير سبب ميتشو مش عايز ياكل ولا يشرب حلف يمشي قبلها.
وواصلت: انتم ايه ايه المخلوقات دي ايه الرحمه والحب ده اللي مش فينا .كلنا بنشوف احوالنا وبناكل وبنشرب الا هو. يعني امي كان ليها حق هي وابويا لما علمونا نحبهم واتربينا طول عمرنا معانا المخلوقات الطيبه دي، ودايما تقول بيطمر فيهم عن بني ادم.
واختتمت الحكاية بقولها: ايه ياسي ميتشو عايز تقول ايه هي امي ماشيه ولا ايه انا خلاص اتجننت صح، امي شفاها بين ايدين ربنا هي واخي ودعوات صالحه. وميتشو مات مات ماستحملش الحزن غريب انت ياحنون ياطيب ياحبيبنا كلنا.
يذكر أن الفنانة فريدة سيف النصر تشارك بمسلسل «موسي» بطولة محمد رمضان وسمية الخشاب وعبير صبرى، رياض الخولي، صبرى فواز، منذر رياحنة، هبة مجدى، عارفة عبدالرسول، أمير صلاح الدين، ضياء عبدالخالق وعدد آخر من الفنانين، وتأليف ناصر عبدالرحمن، وإخراج محمد سلامة.
لمشاهدة أجمل صور المشاهير زوروا أنستغرام سيدتي
