اكتب الكلمات الرئيسية فى البحث

رامي جمال يحيّر جمهور: أكمّل فن ولا ملهوش لازمة

رامي جمال - الصورة من حسابه على انستغرام
رامي جمال - الصورة من حسابه على انستغرام

أثار المطرب رامى جمال، حيرة جمهوره بعدما طرح عليهم سؤالا يتعلق بمستقبله الفني، طالبا المشورة حول قيمة ما يقدمه من أعمال فنية، وهل تستحق بالفعل الجهد المبذول وأن يواصل مسيرته، أم يكتفى بهذا القدر ويتوقف عن الغناء.

رامي جمال - الصورة من حسابه على انستغرام

 

وكتب رامى، عبر حسابه على انستغرام: فى وسط اللخبطة اللى حاصلة، عندى سؤال مهم ليكم.. يا ترى الفن اللى أنا بقدمه عاجبكم؟ يا ترى وجودى من عدمه يفرق.

منشور رامي جمال قبل الحذف -الصورة من حسابه على انستغرام

 

وأضاف رامى: أوقات بفكر إنى عمرى ما هزهق وهفضل أحاول أوصل للى حلمت بيه، وأوقات بحس ان خطواتى بطيئة وناقصنى حاجة بحاول أعرف هى إيه، وأوقات زى دلوقتى عندى إحساس إنى بضيع وقت، محتاج اخد قرار ومتلخبط أكمل ولا مالوش لازمة، ولا ده جرى فى المكان الغلط، طبعا الحمد لله على كل اللى وصلت له بس الحلم أكبر بكتير.

يذكر أن رامي تعرض لأزمة مع الجمهور مؤخرا بعدما تقدم بمعايدة ساخرة غير متوقعة لزوجته ناريمان بمناسبة ذكرى يوم ميلادها، وتقدم جمال باعتذار من زوجته، واعترف بأنه أخطأ عندما خرج بحياته الخاصة إلى العلن.

رامي نشر صورة له برفقة زوجته عبر حسابه بموقع إنستقرام، وعلق عليها برسالة خاصة إلى زوجته ناريمان قال فيها: اسف لو اتضايقتي يوم عيد ميلادك مني بشكل مباشر او غير مباشر اصابني عدم التوفيق في استخدام كلامك وهزار اعتبروه البعض استهزاء او انتقاص من اهم شخص في حياتي رغم اني عارف وواثق في تفكيرك وطبيعه حياتنا اللي بمميزاتها وعيوبها قررت انها تكون مش للعلن.

 

 
 
 
 
 
 
 
 
 
 
 
 
 
 
 

A post shared by Ramy Gamal (@ramygamalmusic)

 

وتابع قائلا: الاراء السلبيه اللي شفتها واللي انتي شفتيها لمجرد محاولتك اثبات ان كلامي عنك هو اصلا بوست ليكي قبل البوست بتاعي جدعنه منك غير مستغربه للاسف قوبلت بانك شفتي فعلا كلام من البعض يضايق وبما اننا عايشين مع ناس انا بعتذر لك عن اللي حستيه بسبب هزار عارف انك قابلاه بس من حب ربنا فيكي.

وواصل بقوله: ومن سوء التوفيق ليا ان الناس شافته اهانه وقررت تدافع عنك من غير كلام كتير اسفلك واسف للي ضايقهم الموضوع وشكرا جدا ليكي واللي فهموا قصدنا من الاول بس الدرس المستفاد اني غلطت في نشر حياتي للعلن اوعدكم مفيش كلام غير في اللي بشتغل فيه بحبك.

ورأت زوجته ناريمان أن الاعتذار لا مبرر له وعلقت على رسالة زوجها بقولها: مش عارفة بتتأسف عليه وليه وبقولك تانى طريقة هزارك دى مش بتضايقنى ولا هزارى معاك بيضايقك ولو بيضايق الناس فا خلاص مفيش داعي يشوفوه لكن هوا ولا غلط ولا حاجة محتاجة اسف بالنسبالى وانا بحبك زى ما انت ومحبش ان اى حاجة ف الدنيا تضايقك.

لمشاهدة أجمل صور المشاهير زوروا «إنستغرام سيدتي»

ويمكنكم متابعة آخر أخبار النجوم عبر «تويتر» «سيدتي فن»