اكتب الكلمات الرئيسية فى البحث

سالي عبد السلام تكشف أول صورة لحبيبها: رزقت حبه وإن بعد الصبر جبر

سالي عبد السلام - الصورة من حسابها على انستغرام
سالي عبد السلام - الصورة من حسابها على إنستغرام

كشفت الإعلامية المصرية سالي عبد السلام عن أول صورة لها برفقة حبيبها، مع طلب الدعوات من متابعيها بإتمام الخطوبة على خير، ووعدت كل محبيها بكشف التفاصيل كاملة عن هوية العريس وعمله في أقرب وقت ممكن.

سالي عبد السلام - الصورة من حسابها على إنستغرام

سالي نشرت عبر كل منصاتها على مواقع التواصل الاجتماعي صورة لها برفقة شاب من خارج الوسط الفني والإعلامي، وعلقت عليها برسالة حب مقتبسة من مطلع أغنية شهيرة للمطرب المصري الراحل محمد عبد المطلب قالت فيها: "حبيتك.. وبحبك.. وهحبك على طول".

ووجهت رسالة لكل محبيها بقولها: "وهتعرفوا هو مين وبيشتغل إيه وكله قريب بإذن الله، بس طالبة منكم دعوات كتير أوي، بارك يا رب لنا وبارك علينا واجمع بيننا في خير وسكينة ومودة ورحمة وطول العمر يا رب".

وبعد وضع أيقونات عديدة لقلب باللون الأحمر، قالت سالي عبد السلام: "رزقت حبه، إن بعد الصبر جبر... أنت رزقي يا مؤمن، اللهم بارك".

وتلقت سالي التهنئة من عدد كبير من نجوم الفن والإعلام، من بينهم روجينا وإيمان العاصي وشيما صابر، وقالت ريم البارودي: "اللهم بارك اللهم آمين، ألف مليووووون مبرووووووك يا عروسة، ربنا يفرح قلبك ويسعدك".

وسبق أن بكت الإعلامية سالي عبد السلام، أثناء تقديم الحلقة الأخيرة من برنامجها "قصة حقيقية"، مؤكدة أنها كانت على وشك الزواج في شهر فبراير من العام الماضي، ولكن التجربة فشلت لأن الرجال يرفضون تحمل المسؤولية ولا أمان لهم، وأكدت أن دموعها في الحلقة ستجعلها تنام وهي سعيدة لأول مرة منذ أيام طويلة.

وأكدت سالي عبد السلام، خلال تقديمها برنامج "قصة حقيقية"، عبر شاشة القناة الأولى المصرية، أنها كانت تمر بحالة نفسية سيئة خلال الفترة الماضية، مشيرة إلى أن أصدقاءها وأهلها كانوا الداعم الأول على تخطيها تلك الأزمة.

وتابعت قائلة: "كتير كنت باجي التصوير الفترة اللي فاتت معيطة، وبالذات الشهر ده لأني كنت ممنية نفسي إن هيتكتب كتابي وأتجوز، بس الموضوع ممشيش لأن أغلبية اللي بنعرفهم مبقوش قد المسؤولية ومبقوش رجالة ولا ليهم أمان".

وأضافت: "يمكن ربنا خد مني حاجات كتيرة أوي وماكنتش متخيلة أنها تتاخد مني وفي الوقت ده، بس أنت عوضتني يا الله ومش عاوزة حاجة تانية.. شكراً على ثقتكم وعلى جبر خاطركم وشكراً إني رجعت أشتغل في بلدي تاني، شكراً إني لو هيتقال في يوم من الأيام إني عديت جنب ماسبيرو.. ده كتير عليا أوي يا رب، شكراً إن كل اللي حواليا رزق".

وواصلت قائلة: "عاوزة أشكر كل واحد في البرنامج وكل القائمين عليه، أنا حاسة إن النهارده ربنا جبر بخاطري جامد أوي.. إني أسمع الرقم ده، هي دي الحقيقة وهي دي القصص الحقيقية، هو ده اللي بنعمله في الحياة وبنستناه في الآخرة".

وقالت: "كل أما تبقى حاسس إنك عاوز تعيط روح طبطب على حد بيعيط.. كل حاجة راحت مننا مكانتش بتاعتنا، هفرح وهضحك وهرجع زي الأول ومش همني نفسي بحاجة، وهخلي أهلي يشوفوني مرتاحة وسعيدة، لأن محدش يستاهل".

واختتمت حديثها بالدموع قائلة: "أنا بشكركم عشان النهارده أنا هنام مبسوطة وفرحانة، هنام وأنا مرتاحة وعلى الأقل هحس إني جبرت بخاطر شوية ناس حتى لو كان العدد قليل، بس على الأقل قدرت أعمل حاجة".

لمشاهدة أجمل صور المشاهير زوروا «إنستغرام سيدتي»

وللاطلاع على فيديوجراف المشاهير زوروا «تيك توك سيدتي»

ويمكنكم متابعة آخر أخبار النجوم عبر «تويتر» «سيدتي فن»