أعلنت الإعلامية سالي عبد السلام حملها مرة أخرى، مطالِبة جمهورها بالدعاء لها، بعد مرورها بتجربة فقدان توأمها الأول في وقت سابق.
وأعربت سالي عن سعادتها الكبيرة بتفاعل محبيها ودعوات جمهورها عقب علمهم بخبر حملها، وذلك بعد ظهورها في برنامج "صبايا الخير" مع الإعلامية ريهام سعيد على قناة النهار.
فرحة ورسالة مؤثرة لجمهورها عبر إنستغرام
وكتبت سالي عبد السلام عبر حسابها بموقع إنستغرام: "بسم الله نبدأ ٢٠٢٦ ببركة ورزق وهبة من الله.. أنا كان نفسي إني أحط فيديو على الأغنية دي أوي والله!
أنا من امبارح عايزة أعيط من جمالكم بجد! أنا شفت دعوات عمري ما شفتها في حياتي.. شكراً من قلبي، كل اللى حواليا قالولى متقوليش.. اسكتي.. قولي لما تولدي.. بس حقكم تعرفوا!".
وأضافت: "حقكم إنكم تعرفوا دعواتكم اللي شوفتها وسمعتها أو اتقالتلي في وشي إن ربنا كرمني بيها وبكل واحد فيكم... وده سر قوتي وعمري ما بنسى، لما الناس بتقولي اشمعنى انتي بيدعولك أو بيحبوكى بخاف اتحسد عليها".
وتابعت سالي عبد السلام: "اه دعوات الناس تغير الأقدار ومستجابة أكتر من دعواتي لنفسي، لو قولتلكم إني استنيت دوري سنين عشان ربنا يرزقني الرزق والهبة دي عارفة إنكم هتصدقوا.. الحمدلله خسرت تؤام بس ليا بيتين في الجنة، وبدعواتكم ربنا كرمني وهيكرمني وهيكملها على خير وهيبقى معايا زينة الحياة الدنيا واللي يوهبه رضا أي كان... وهو على هين.. الوهاب".
واختتمت رسالتها قائلة: "عايزة دعوات كتير أوي، أكتر من الدعوات اللي فاتت والله، عشان الطريق مش سهل وكل شوية يحصل حاجة تصعب المشوار ومضاعفات وكل شوية أخاف أكتر... أضعاف ما دعيتم وتمنيتم يا رب. ربنا يرزق كل واحد نفسه يا رب".
رسالة أخرى عبر فيسبوك: "استنيت دوري سنين"
وكتبت سالي عبد السلام منشورًا آخر عبر حسابها الرسمي على فيسبوك قالت فيه: "استنيت دوري سنين عشان ربنا يرزقني الرزق والبهجة دي.. الحمد لله خسرت توأم بس ليا بنتين في الجنة، وبدعواتكم ربنا هيكملها على خير، وهيبقى معايا زينة الحياة الدنيا".
وتابعت: "أنا من امبارح عايزة أعيط من جمالكم بجد! أنا شفت دعوات عمري ما شفتها في حياتي.. شكرًا من قلبي، كل اللى حواليا قالولى متقوليش، اسكتي.. قولي لما تولدي.. بس حقكم تعرفوا، وحقكم أنكوا تعرفوا دعواتكم اللي شوفتها وسمعتها أو اتقالتلي في وشي إن ربنا كرمني بيها، وده سر قوتي".
كما أضافت: "لما الناس بتقولى اشمعنى إنتي بيدعولك أو بيحبوكى بخاف اتحسد عليكوا، اه دعوات الناس تغير الأقدار ومستجابة أكتر من دعواتي لنفسي".
وسبق أن كشفت الإعلامية سالي عبد السلام عن فقدانها لجنينيها التوأم قبل ولادتهما، وذلك من خلال رسالة عبر حسابها الرسمي على موقع الصور والفيديوهات إنستغرام.
سالي عبد السلام تعلن رحيل توأمها
وكتبت سالي عبد السلام رسالة مؤثرة عبرت عن ما بداخلها وقالت فيها "قدر الله وماشاء فعل من كام يوم..وده بعد سنتين انتظار التؤام اللى كان نفسى فيهم اوى يا رب.. سنتين صبر وانت مفيش قدامك غير الصبر زى اى رزق والحمدلله ان اختبارى كان فى الصبر و بس مش اكتر وكنت طالباها تيجى من عند ربنا خالص ومن غير تدخل دكاترة..الحمدلله على نعمة الاخذ بعد العطاء.. يا رب".
وتابعت سالي عبد السلام" فقدت اغلى ما ليا.. واللى كان هيكون ليا الحمدلله قدرى الحمدلله، انا بكتب الكلام ده عشان يمكن حد يتعلم، كل حد قالى وقال عليا مش عايزة تخلف عشان خايفة على جسمها و شغلها.. وكانت اوحش حاجة سمعتها فى حياتى و هم لا يعلمون شيئاً عشان كل حد بيضغط على اللى قدامه وفاكر انه حقه وده لا يحق له عشان المفروض انه قريب او معتبر نفسه كدة ومش من اهله اصلاً ولا يحق له و يحسسهم ان وراهم تارجت يا اما هيكون منبوذ منهم وهنسود عيشتك بسؤالنا كل شهر و نضغط عليك مع انهم مش هيشيلوا اصلا و محدش هيشيل غيرك".
إذا أعجبك اقرأ أيضا سالي عبد السلام تكشف إصابتها بمرض الثعلبة وخلل المناعة للمرة السابعة.. فيديو
سالي عبد السلام تطلب الدعاء من جمهورها
أنهت سالي رسالتها وقالت "كلنا تعبنا و بنتعب ومحدش بيحس ومحدش طلب منك تحس، بس الرحمة... الرحمة، كل اللى كتبت عنهم بينى و بينكم الله إنا لله وانا اليه راجعون ادعولى كتير.. راضية و الحمدلله، بس بنهار وانا بصلى ومش بطلب غير الثبات من ربنا، بس ليا بيتين فى الجنة اخترت الاخرة و الابقى يا الله".
الجدير بالذكر أن سالي عبد السلام احتفلت بزفافها في أكتوبر 2022، في أحد فنادق القاهرة الكبرى وسط حضور نخبة كبيرة من المشاهير والنجوم.
يمكنك متابعة 80 حقنة في الرأس.. سالي عبد السلام تكشف "الطريقة الصعبة" للعلاج من الثعلبة
لمشاهدة أجمل صور المشاهير زوروا «إنستغرام سيدتي»
وللاطلاع على فيديوغراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
