تصدى الفنان شريف منير لحملات التنمر التي تلاحق ابنته أسما بعد قص شعرها عبر بث مباشر بالفيديو، ورد لأول مرة على شائعة حدوث خلافات بينهما عقب إطلالتها الأخيرة في الدورة الثانية لمهرجان القاهرة للدراما، وأكد منير أن ابنته "متربية جداً" ولا ضرر من تصدرها الترند طالما أنها لم تؤذ أحداً، وتدخلت خبيرة التجميل للمرة الثانية لتوضيح أسباب قرارها "المفاجئ" مؤكدة أنها لا تشعر بالندم.
شريف منير اختار الرد على الحملات التي تلاحق ابنته عبر مواقع التواصل الاجتماعي، بنشر مقطع فيديو على حسابه بموقع إنستغرام، ظهر فيه وهو يتناول وجبة من الأسماك بيده وبدون اتباع البروتوكول المعتاد، ليلفت الأنظار إلى أن التصرفات الشخصية تنبع من أصحابها ولا ضرر منها طالما أنها لا تمثل إساءة لأحد.
وقال تعليقاً على الفيديو:" مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جداً مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها".
شريف منير: اللوك الجديد لأسما عاجبني جداً
وتابع شريف منير: "بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جداً بس هي بتتصرف باللي هي حاسة بيه، المهم إنها متكونش بتأذي حد".
شريف منير: قبل ما تنتقدوا ابنتي انظروا إلى أنفسكم
وأضاف شريف منير:" قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو، قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جداً".
وأردف شريف منير:" بحب آكل السمك والرز بإيدي حتى في المحلات الفخمة جداً تفتكروا دي قلة أدب مني ولا مفيش إتيكيت؟ على العموم ريحو نفسكو واهدوا شوية؛ لإن اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها، أسما أنتي شكلك زي القمر وشكلك حلو جداً وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها المهم إننا مش بنضر حد، سلام عليكم".
أسما شريف منير: أنا مش ندمانة ولا أعاني من الاكتئاب
وتدخلت أسما شريف منير للمرة الثانية لتوضيح حقيقة إصابتها بالاكتئاب خلال الفترة الماضية، ما أدى إلى قرارها بحلق شعرها بالكامل، وقالت عبر حسابها الشخصي على موقع إنستغرام: طيب أول حاجة شكراً على كل ردود الفعل، الوحشة و الحلوة كلها، ساعات موقف زي دي بتخلي ناس تشوف ناس تانية عاملين ازاي مجرد انهم بيعبروا عن رأيهم، و شكراً لكل الناس اللي كانت خايفة و قلقانه عليا، ممكن بقي اقولكم الحكاية من وجهة نظري ببساطة".
وتابعت: اولاً الحكاية جت بالصدفة جداً و كان قرار لحظي و انفعالي جداً و مش ندمانه عليه، تاني حاجة انا مش بعمل كده عشان اطلع ترند بس كنت عارفة اني هبقي ترند، في فرق كبير بين عايزه و عارفة، علي فكرة الترند ده نقمه مش حاجة حلوة خالص بس مش هدخل في الجدل ده دلوقتي، تالت حاجة انا الحمد لله كويسة و مبسوطة و مش واخدة الخطوة دي بسبب اكتئاب خالص بالعكس، دي صفحة جديدة حلوة مليانه تفاؤل و قوة و ارادة و تحدي و جرأة و شجاعة و كل حاجة ايجابية في الكون، انا فعلاً من فترة كنت بمر بمرحلة صعبة جداً بس كنت في رحلة بقالي شوية بتعافي منها و بقف علي رجلي من الاول و كان اخرها رحلة دهب، فا تاني بالعكس ده مش اكتئاب ده مرحلة انتقاليه مؤمنه اني هحقق فيها حاجات كتير..
واختتمت أسما التوضيح قائلة: اخر حاجة الجماعة اللي مكبرين الموضوع (ده شعري مش شعرك) حاجة كده بجد اخيرة (انا عاجبني شكلي جداً بصراحة، شكله جامد و مديني ثقه في نفسي جداً) بحبكم اوي بجد .
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
