شقيق شيرين عبدالوهاب: أحمد سعد وزينة عشرة العمر وهذه حقيقة سيارة الإسعاف

علق محمد عبد الوهاب شقيق الفنانة شيرين عبد الوهاب على الجدل المثار والأخبار المتداولة عن نقل شقيقته إلى منزل الفنانة زينة بسيارة إسعاف، مشيراً الى أن كل ما تم نشره في الفترة الأخيرة عن حالة شيرين أخبار مغلوطة وغير صحيحة هدفها إثارة الجدل.

شقيق شيرين عبد الوهاب يكشف الحقيقة

وكتب شقيق شيرين عبد الوهاب منشور عبر حسابه الرسمي على موقع التواصل الاجتماعي "فيسبوك" وقال: "أقسم بالله العظيم 90٪ من الأخبار مغلوطة وغير صحيحة، والناس اللي بتاجر بيها في البرامج والمداخلات ولا في مجموعة فنانين اتّحدوا وكل الهري ده كله غلط دي ناس عايزة لقطة ورتش مش أكتر محدّش ساعد غير اتنين أحمد سعد وزينه، بس ومحمود الليثي كان كل يوم عندها".

وأضاف: "إحنا بقى بعيد ليه عشان اللي انتو شايفينه ده حياتها عبارة عن حرب إحنا لما ادخلنا من أربع سنين اتقال علينا إيه إننا نهبناها ومستفيدين وناس وحشين طيب ماشي نجحوا إنهم يبوّظوا علاجها مين بقى دول طليقها والمحامي بتاعها وسارة الطبّاخ وأربعين صحفي تحت المستشفى تمام بعدنا ونجحوا في إن علاجها يبوظ".

وتابع: "حلو بعد أربع سنين ناس تانية غيرنا أهم فنانين ومعروفين وملهمش مصلحة اللي بيدور معاهم جابوا كل تاريخهم القديم ودول كذا وكذا وإزاي دول اللي يعالجوها مين بقى اللي ليه مصلحة يطلع يشوّه الناس دي زي ما شوّهنا من قبلهم واللي طالع يقول مش صح إنها تروح بيت صحبتها كله بيتاجر عرفت منين حضرتك إنها راحت عندها ومتأكد أوي".

وأنهى المنشور قائلاً: "موضوع بقي عربيه الاسعاف زينه عدت عليها يوم قلتلها انا حسه اني تعبانه قلتلها مستشفي الجوي اهي قريبه يلا بينا راحت واطمنت عليها وهما هناك الدكاتره طلبت منظار خدت بينج وماكنتش قادره تركب العربيه خدوها بسيارة اسعاف لحد بيتها دي كل الحكاية، الصحفيين بتوعنا المحترمين بقي عرفه ازاي عشان بيجندو ممرضين في معظم المستشفيات و المحاكم والنيابات تشوف حد مشهور عرفني بس وليك الحلاوة بس وكله بقي كتب والف علي مزاجه، ليه بقي تحديدا الاتنين دول واقفين جمبها بجد عشان دول عشرة العمر نعرف بعض من قبل ما حد فيهم يبقي معروف من زمااااان عشره وستر وغطا وحاجات كتير اوى اي حد تاني بقي كله بيتاجر بيها الناس دي بقي دلوقتي هتزعل مني جدا عشان مكنوش عايزين حد يعرف اي حاجة عشان ميتفهموش غلط بس اللي حصل من أهل الشر ايه علي الناس دي حمله مموله علي كل المنصات"

شيرين عبد الوهاب تحتاج للعزل 6 شهور

في سياقٍ متصل، أطلق الشاعر تامر حسين مناشدة عاجلة للدولة المصرية للتدخل الفوري لرعاية الفنانة شيرين عبد الوهاب، التي تواجه أزمة صحية، وطالب بأن تُوضع تحت "الرعاية الطبية الشاملة" للدولة في مستشفيات خاصة لمدة لا تقل عن ستة أشهر.

وجاءت مناشدة تامر حسين عبر حسابه الشخصي بمنصة "إكس"، حيث حذر من خطورة الواقع الحالي للفنانة، واصفاً رعاية الأصدقاء أو الزملاء بأنها "غير كافية"، قائلاً: "بعيداً عن المُتاجرة والمُزايدة فى محبة شيرين، اللى عايزلها الخير يناشد الدولة إنها ترعاها". وأضاف: "وشيرين تفضل تحت عينهم مش أقل من 6 شهور على التوالى وفي مستشفيات خاصة للدولة، مش برعاية زُملاء أو أصدقاء"، موضحًا سبب ذلك: "مهما كانوا قريبين، لا يستطيعون الرعاية الطبية الشاملة والكاملة، ومش هيقدروا على شيرين لو زهقت وعازت ترجع بيتها"، مؤكدًا على طبيعة الرعاية المطلوبة: "هي محتاجة رعاية شديدة ورقابة، بمنع أي حد من القرب مِنها إلى إن تتعافى وتقوم بألف سلامة".

اقرأ أيضا هل نُقلت شيرين عبد الوهاب بالإسعاف لمنزل فنانة شهيرة؟ أعرفوا الأجابة

وحذّر من العواقب قائلاً: "غير كده هنلف في نفس الدايرة". وختم مناشدته مؤكدًا: "ودى نصيحة خالصة لوجه الله ومن محبتي في إنسانة طيبة وغالية علينا جميعاً. محدش حايقوم شيرين من اللى هي فيه غير شيرين والدولة فقط، وربنا أولاً وأخيراً".

تدهور الحالة الصحية والنفسية لـ شيرين عبد الوهاب

ووفقًا لبعض المصادر الصحفية، فإن الفنانة شيرين عبد الوهاب تعاني من التهاب رئوي حاد، وتخضع حاليًا لجلسات علاج وأكسجين، ما أدى إلى تراجع واضح في نشاطها.

كما أشارت التقارير إلى أن شيرين عبد الوهاب تعيش مرحلة نفسية صعبة، مع انخفاض في التواصل الاجتماعي وزيادة في العزلة، مما دفعها للبقاء طويلاً في منزلها قبل نقلها للعلاج. ويُعتقد أن الجانب النفسي كان عاملًا مساهمًا في تدهور حالتها الصحية خلال الفترة الأخيرة.

وأثارت هذه التطورات حالة من القلق بين جمهور ومحبي شيرين عبد الوهاب، وسط غياب تصريح رسمي مفصل منها أو من المقربين حولها.

يمكنكم قراءة حساب منسوب لابنة شيرين عبد الوهاب يتداول معلومات كاذبة.. ما القصة؟

لمشاهدة أجمل صور المشاهير زوروا «إنستغرام سيدتي»

وللاطلاع على فيديوجراف المشاهير زوروا «تيك توك سيدتي»

ويمكنكم متابعة آخر أخبار النجوم عبر «تويتر» «سيدتي فن»