فن ومشاهير /أخبار المشاهير

محمد محمود عبد العزيز تعليقا على صراع ياسمين عبد العزيز وشقيقها: مش مصدق إن أخ يفضح اخته

ياسمين عبد العزيز تحظى بدعم محمد محمود عبد العزيز
محمد محمود عبد العزيز يدافع عن علاقة ياسمين وأحمد العوضي
محمد محمود عبد العزيز يرفض اهانات وائل عبد العزيز لشقيقته ياسمين
ياسمين عبد العزيز وأحمد العوضي أعلنا حبهما عقب فضيحة شقيقها
وائل عبد العزيز حذف منشوره
محمد محمود عبد العزيز يترحم على الرجولة الضائعة
محمد محمود عبد العزيز من أصدقاء ياسمين عبد العزيز
ياسمين عبد العزيز اعترفت علنا بعلاقتها بأحمد العوضي
وائل فضح علاقة شقيقته وأحمد العوضي عبر الفيس بوك

تدخل الفنان والمنتج محمد محمود عبد العزيز، في الصراع الدائر بين النجمة ياسمين عبد العزيز وشقيقها وائل حول علاقتها العاطفية بالفنان الشاب أحمد العوضي، وأكد أنه لا يصدق أن أخ يقوم بفضح شقيقته على الملأ، قائلا: ألف خسارة على الرجولة، وياسمين ب100 راجل.

محمد محمود عبد العزيز
محمد محمود عبد العزيز يدافع عن ياسمين عبد العزيز بعد فضيحة شقيقها

ونشر محمد نجل النجم الراحل محمود عبدالعزيز فيديو له عبر حسابه بـموقع انستقرام، أكد فيه أنه تدخل بالتعليق لأن الأخ فضح شقيقته عبر مواقع التواصل الاجتماعي وأمام الجميع وقال: أنا بصراحة مش عارفة أقول إيه ،أنا طالع منفعل بحدث مش مصدقه و مش فاهم وقاعد فاتح الكلام قدامى و مش مصدق أن في ناس بقيت بتعمل كده وبقى في أخوات بتفكر بطريقة دى وبقى في هبل بصراحة في مواقف بتحصل تتحط بالنسبه ليا تحت بند الهبل.

 

وتابع: مش داخل أرد على شخص بعينه لأن مش من حقي اعاتب حد بس،بما أن موضوع تحول أن بنفضح بعض و أخوات في بعض وبنكلم على بعض وبنقول أى كلام في أى حاجة و السوشيال ميديا بقيت مدمرة دماغنا إلى هذا الحد ،اللى حصل  ده ملوش أى علاقة بالرجولة أو الأخوة أو التربية ده حاجة خرجت بره نطاق المنطق تماماً”٠

 

واضاف: أنا مش مقتنع ومش مصدق اللي بيحصل ده خالص، أنا فاكر كويس جدًا زمان لما أهالينا ربونا علمونا أننا نتلم مع بعض بس ده اللي اتربى يعنى أنا بكلم على الأهل اللي ربيت والعيال اللي اتربيت من أهلها ده المنطق طول عمرنا أننا نحمي بعض ونحل مشاكلنا مع بعض ومش نصغر بعض قدام الناس، اللي ملوش كبير بيشتريله كبير ،لو أنا و أخويا اتخانقنا لقدر الله هروح له نتصافي نحل مشاكلنا مع بعض عشان أنا كبير و هو الصغير، مش هبقى بنتخانق و أدخل أكتب على الفيسبوك أو على الانستجرام او على السوشيال ميديا ده خارج نطاق العقل”٠.

 

وواصل قائلا: كمية الكلام المكتوب ده أنا مش فاهم الأخ اللي دخل كتب كده على أخته دماغه مش بتفكر، بأكد تانى في كلامي اللي حصل ده ملوش علاقة بالرجولة تماما المشكلة الأكبر من كده أن بيتكلم على واحده وكأننا مش نعرفها معروفه بأنها بألف راجل  وأنها جدعه وراجل مع أصحابها أنا مش بعاتبك ولا بلومك أنت حر بس ده مش صح”.

 

واختتم الفيديو قائلا: أنا أسف أن بتكلم الكلام ده كله بس إللى بيحصل ده ملوش أى علاقة بالرجولة أو الأخوة أو التربية دى وجهه نظرى، و سامحونى أنا اول مرة اتكلم بس موضوع يستفز، حسبى الله ونعم الوكيل في الجنان اللى حصل ومش هعاتب حد خلاص، للأسف الرصاصة طلعت و رشقت في قلب اختك تخيل انت ماسك مسدس وضارب طلقة فى قلب أختك، أى اخ أو اخت  قبل ما يفكر يكتب حاجة ملهاش معنى على السوشيال ميديا أو علاقة اقوله أرجوكم فكروا  لأن بقينا ننسى أن أهل وأن عيلة وأسرة وبقينا ننسى أننا أخوات وأصحاب في ممكن نتعاتب أو نختلف في مليون حاجة بس مش ممكن نطلع نفضح بعض ونكتب كلام ملوش معنى، مليون خسارة على الرجولة.

 

وتضامن معه عدد كبير من النجوم الذين لا يصدقون ما فعله وائل عبد العزيز منهم ريم البارودي وإيمان العاصي

يذكر أن وائل عبد العزيز فضح علاقة شقيقته ياسمين بالفنان الشاب أحمد العوضي عبر حسابه بموقع الفيس بوك قائلا: بصي يا ياسمين يا عبد العزيز يا أختي، أنا معاكي وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضيته الشغالات مؤخرًا غير قضية الضرب اللي كانت بينك وبين بنت هشام سليم الممثلة اللي لبستيها التورتة في وشها".

 

وأضاف شقيق ياسمين: وقفت جمبك بكل ما أملك من قوة أدافع عنك في كل موقف صعب مر عليكى ونسيت حياتى ونفسي عشانك وبقي كل همي أنا ووالدتك، إنك تكبرى وتبقى نجمة في مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللي ساندتك ووقفت جنبك في طلاقك، لكن هنهرتل وتروحى تعرفى واحد أصغر منك بـ 10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتي وإحنا بنعمل أعياد ميلاد وتنزل على السوشيال ميديا، من أمتي الناس بتجيب في سيرتنا؟ ونقعد نتعاكس على السوشيال ميديا؟

 

وتابع وائل: ومع ذلك حياتك وأنتى حرة فيها، أنا هتكلم على الشق اللي يخصنى، أنتى مقاطعة كل العيلة عشان تعملى اللي على مزاجك، إحنا دلواقتى وعايزين نفهم العلاقة دى إيه ورايحة على فين".

 

وأضاف: أما بالنسبة للأخ اللي ماشى وراكى في كل حتة وشايفك البيضة الدهب اللي هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام.. وطبعًا لأنك عارف أنك مرفوض رافضًا باتًا فاعمرك ما هتعمل ده ومعندكش غير طريق الشمال اللي أنت سالكه من سنين مع بنات الناس!!.. أنا من رأيى كفاية عليك البطولة اللي أخدتها والعربية المرسيدس الهدية، وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"

مواضيع ممكن أن تعجبك

أضف تعليقا

X