اكتب الكلمات الرئيسية فى البحث

ناهد السباعي تهاجم أحمد العوضي ووائل عبد العزيز: كنت فاكراكم رجالة

ناهد السباعي تتهم أحمد العوضي ووائل عبد العزيز بكشف ستر ياسمين عبد العزيز
ناهد السباعي ترفض الخوض علنا في علاقة أحمد العوضي وياسمين عبد العزيز
وائل عبد العزيز اشعل الأزمة
ناهد السباعي تطلب الستر وعدم كشف اسرار البيوت
منشور وائل عبد العزيز الذي فضح علاقة شقيقته بأحمد العوضي
رد أحمد العوضي كشف المزيد من الأسرار
وائل عبد العزيز كشف المزيد من الأسرار
علاقة أحمد العوضي وياسمين عبد العزيز تشعل أزمة صاخبة
ناهد السباعي تراجعت عن وصف الأزمة بحركات ستات
9 صور

وجهت الفنانة ناهد السباعي، نقدا لاذعا للثنائي وائل عبد العزيز وأحمد العوضي، بعدما خاضا في أسرار الحياة الخاصة للفنانة ياسمين عبد العزيز عبر السوشيال ميديا، وأكدت أنها كانت تعتبر الأول أخيها والثاني صديقها، ولكنها الآن ترفضهما لأنهما كشفا عورة سيدة، وناشدت متابعيها بعدم كتابة الأسماء في التعليقات.

ناهد السباعي
ناهد السباعي تهاجم أحمد العوضي ووائل عبد العزيز

ونشرت السباعي، صورة عبر حسابها بموقع إنستقرام تدعو للستر وعلقت قائلة: أنا عمري ما بنزل صورة دينية عشان محدش يتريق عليا ويشوف بتمثل التدين وكده، وأنا أصلاً بنت عادية جدًا بدعي ربنا يكرهني في المعصية.

 

وتابعت ناهد قائلة: بس بجد مش قادرة أمسك نفسي يا جماعة أرجوكم أرجوكم بالذات الرجالة بلاش تكلم على أسرار بيوت الناس وعرضهم وحالهم وشرفهم وعيوبهم ومشاكلهم عشان ده ذنب أكبر من التنمر اللي ترند اليومين دول".

 

وأضافت: اللهم استر عوراتنا وآمن روعاتنا لنا ولكم جميعًا يارب، محدش يكتب اسم حد لو سمحتم ف الكومنتس عشان حرام برضه ده موضوع بتاعي أنا، وأحب اقول لصحابي اللي عملوا فيا كده جتكم الأرف بجد بجد انتوا الاتنين جتكم الأرف كنت فكراكم أخويه وصاحبي ؟؟!!! لكن إخيه قوي على الرجالة لما تعمل حركات ستات.

 

ناهد استجابت لنصيحة متابعة لها تدعى هنا وقامت بتعديل المنشور وحذف كلمة "حرمات ستات" باعتبارها مسيئة وعنصرية بحق النساء، وقالت: شكرا يا هنا غيرتها بس ده أصله مثل شعبي وانا كده خليته مؤدب بس طبعا مش قصدي عشان انا اصلا بدافع عن الستات والبنات وسمعتهم.

 

يذكر ان الفنان وائل عبد العزيز اثار ضجة كبرى بعدما فضح علاقة شقيقته ياسمين عبد العزيز بالفنان أحمد العوضي، ووجه لهما اساءات شخصية عبر منشور نشره عبر حسابه بموقع الفيس بوك وقام بحذفه لاحقا وقال فيه: بصي يا ياسمين يا عبد العزيز يا أختي، أنا معاكي وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضيته الشغالات مؤخرًا غير قضية الضرب اللي كانت بينك وبين بنت هشام سليم الممثلة اللي لبستيها التورتة في وشها".

 

وأضاف شقيق ياسمين: وقفت جمبك بكل ما أملك من قوة أدافع عنك في كل موقف صعب مر عليكى ونسيت حياتى ونفسي عشانك وبقي كل همي أنا ووالدتك، إنك تكبرى وتبقى نجمة في مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللي ساندتك ووقفت جنبك في طلاقك، لكن هنهرتل وتروحى تعرفى واحد أصغر منك بـ 10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتي وإحنا بنعمل أعياد ميلاد وتنزل على السوشيال ميديا، من أمتي الناس بتجيب في سيرتنا؟ ونقعد نتعاكس على السوشيال ميديا؟

 

وتابع وائل: ومع ذلك حياتك وأنتى حرة فيها، أنا هتكلم على الشق اللي يخصنى، أنتى مقاطعة كل العيلة عشان تعملى اللي على مزاجك، إحنا دلواقتى وعايزين نفهم العلاقة دى إيه ورايحة على فين".

 

وأضاف: أما بالنسبة للأخ اللي ماشى وراكى في كل حتة وشايفك البيضة الدهب اللي هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام.. وطبعًا لأنك عارف أنك مرفوض رافضًا باتًا فاعمرك ما هتعمل ده ومعندكش غير طريق الشمال اللي أنت سالكه من سنين مع بنات الناس!!.. أنا من رأيى كفاية عليك البطولة اللي أخدتها والعربية المرسيدس الهدية، وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".

 

العوضي لم يصمت على تلميحات وائل عبد العزيز ورد سريعا بتوجيه اتهامات مماثلة أكد فيها أن وائل يستغل شقيقته وكتب العوضي في المنشور الذي حذفه بعد دقائق: انهي بيت اللي ادخله من بابه..ان كانت هي اللي بتصرف عليك وعلى ابنك اللي مخبيه وراميه وهي بتدفعله مصاريف مدرسته ...باب ايه يابني ادخله .. هو انا شوفت راجل واقف جنبها.. دي واحدة انت مابتعملش حاجة غير انك بتستنزفها هي و مامتها.. باب ايه يابني اللي هدخله من بابه واكلم واحد بيتكلم على عرضه و لحمه قدام الناس .. يابني انا من عين شمس منطقه شعبيه اتربيت على ان الاخت والام والست الكلام عليهم من الكبائر .. عربية ايه يابني أنا أجري الحمد لله يعيشني كويس و يجيبلي عربية حلوة وبيت كويس .. بمجهودي و شغلي مش على عرق واحدة ست .. باب ايه يا حبيبي اللي ادخله و انت اصلا عايش باسمها.. انا شقيت على حالي بعرقي .. لكن انت فشلت في كل شيء .. فشلت كممثل وفشلت كأب وفشلت كأخ وفشلت كبني أدم.

 

وبعد دقائق قام العوضي بحذف المنشور ووضع بدلا منه اعترافا بحبه لياسمين عبد العزيز، لترد عليه الفنانة بنفس الجملة ونفس الصورة في إشارة لوجود اتفاق بينهما على إعلان علاقتهما رسميا، ورد وائل على التعليق المحذوف لأحمد العوضي عبر حسابه بموقع الفيس بوك قائلا: ردّك متوقع جدا لان هو ده أسلوبك ومش هيتغير بس انا هرد عليك.

 

وتابع وائل غاضبا: بالنسبه ان احد بيصرف علّيا عمرها ما اديتني جنيه في جيبي وأحب افكرك اني قاعد في بيت ايجار وراكب عربيه تويتا كنت جايبها قسط من شقايا واظن انت شوفتها ايّام مسلسل لاخر نفس لما كان معاك عربيه لانسر .. ويادوبك حوشت عشان اغير عربيتي قريب ..وحتي لو حد من اهلي ساعدني في وقت ضيقه انت مالك !! .. والا معندكش كلام تقوله !!!؟

 

وأضاف: اما الشغل الي انا فاشل فيه فا لو بتعتبر ١٧ جايزه اخدتهم في اربع سنين فشل فا ياريت تعرف تبقي فاشل زاي لكنك مش هتعرف للاسف .. ومش انت الي تحدد فشلي ونجاحي في اَي شيء لانك طالع علي رقبه الناس .. اما اختي فالمواقف والسنين الي فاتت هيا الي هتبين انا عملت عشانها ايه .. وكلمه اني طالع علي حسها كل الناس عارفه اني شقيت طريقي لوحدي من ١٥ سنه وعلي الرغم من ده فا انا عادي ابطل تمثيل من بكره قدام مصالح اختي .

 

وواصل رده بقوله: اخيرا بقي .. ردّك ده علّيا اثبتلي انك ولا همك الانسانه الي انت ماشي تعاكسها في كل حته وعلي صفحات السوشيال وسيبت المهم وابتديت في تشويهي ومفكرتش تاخد خطوه محترمه تجاهها الا انك جريت علي الترند وهتشتغل شغل قذر لان ده الي يهمك "ترند " " دور بطوله " " فلوس " " عربيات " .. وبالنسبه للناس الي بتقول اني بتكلم علي موضوع زاي ده علي السوشيال ياريت تدخلوا تشوفوا صفحاتهم وتعرفوا ان الموضوع متعارف عليه للناس الا أهلها ..

 

وكشف وائل عن حوار بينه وبين شقيقته حول فكرة الزواج مجددا قائلا: ياسمين سالتني بعد الطلاق انها ممكن تحب وتتجوز وانا اول واحد قولتلها طبعًا حبيبتي ومن حقك وهبقي اول حد يفرحلك .. بس مش انت !! لاني اعرفك من سنين وعارف نواياك والأيام هتثبت صحه كلامي .. ونصيحه مني ليك لما تدخل علي ست متختارش وقت ضعفها وخروجها من طلاق ومشاكل لو فعلا بتفهم كنت بقيت صديق ينصح ويحافظ ويخاف لحد ما تبقي قويه تاني.. مش يتصور صور زاي دي يا محترم ..

 

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"