ظهرت الفنانة شيري مجدي، في حالة انهيار شديد وبكاء متواصل، من خلال فيديو بثته عبر حسابها الشخصي على موقع الفيس بوك، للشكوى من عدم تلقيها عروض عمل منذ 4 شهور، مؤكدة أنها يتيمة البوين ولا تجد من يعولها ولا تريد اللجوء لطريق "الغلط".
شيري قالت في الفيديو المؤثر: أنا في ضيقة كبيرة أوي، بقالي 4 شهور ومحتاجة الناس تقف جنبي، واللي كلمته محدش حاول يساعدني، أنا يتيمة ومفيش أي شغل نهائي الفترة دي.
أضافت: أنا مش عايزة أكون شمال مش عايزة حد يجبرني على حاجة، أنا بس بطلب المساعدة، أنا مش عايزة أكون كده، أنا محتاجة شغل بس يكون مع ناس محترماني مش بتشفق عليا.
وبعد انتشار استغاثتها قامت شيري بحذف الفيديو، وكتبت رسالة شكر لكل من تواصل معها، قائلة: متشكرة جدا جدا لكل الناس اللي اتصلت واللي بيكلموني واللي بيساعدوني ، واسفة لعدم ردي
أضافت: اسفة علي الفيديو لان كلنا لينا لحظة ضعف الطاقة بتخلص ..انا شيلت الفيديو ومن فضلكوا اي حد نزل الفيديو عنده يشيله الموضوع كان خاص مكنتش حابة انه ينتشر كدا .. ومتشكرة جدا جدا لمحبتكم ودعمكم ليا .. ربنا يدبر امورنا جميعا
يذكر ان شيري ممثلة شابة مصرية ومن أشهر أعمالها دور فرح فى مسلسل اسم مؤقت إخراج أحمد جلال، ودور عزة في مسلسل بين السرايات اخراج سامح عبد العزيز، ودور سمية في مسلسل قلوب، ودور أشواق في مسلسل رقم مجهول، كما شاركت في فيلم "أمن دولت" وفيلم "توم وجيمي" وإخراج أكرم فريد، ومسلسل مليكة مع دينا الشربيني، وظهرت في موسم دراما رمضان 2020 بمسلسلي فرصة تانية مع ياسمين صبري، ورجالة البيت مع أحمد فهمي وأكرم حسني.
لمشاهدة أجمل صور المشاهير زوروا أنستغرام سيدتي
