اكتب الكلمات الرئيسية فى البحث

أشعار اليوم الوطني السعودي

خالد الفيصل
خالد الفيصل
بدر بن عبدالمحسن
بدر بن عبدالمحسن
عبدالرحمن بن مساعد
عبدالرحمن بن مساعد
خالد الفيصل
بدر بن عبدالمحسن
عبدالرحمن بن مساعد
3 صور

يتفنن الشعراء بإستخدام بلاغتهم الكتابية في التعبير عن حب الوطن ووصف ولائهم، ودعمهم للقيادات السعودية لإستكمال التقدم والتطور.

وبمناسبة قرب اليوم الوطني السعودي،"سيّدتي" جمعت لكم مجموعة القصائد وأبيات شعرية لشعراء المملكة وهي على النحو التالي:

 

قصيدة الأمير خالد الفيصل والذي خصّ بها الملك سلمان والسعودية:

لو ما بقى بالعمر إلا ضحى شمـس … فديت به ديني وداري وأهلها
ما قد ذخرت اليوم عنها ولا أمس … هي عشقة أفكاري وغاية أملها
أجهر بها ما نيب أنا أقولها همس … عادات أبوي وجدي اللي صقلها
حنا هل التوحيد إذا غيرنا هس … وحنا هل التطوير صقر وجملها
نبني على مبنى السلف عزة النفس .... ونفاخر العالم بنادر مثلها
ونسابق الأيام ونورد الخمس … ونكسر مخالب من يدور شكلـها
ومن لامست أصابعه حدنا لمس … نقطع يدينه مــادرى وش فصلها
ومــا دام سلمان الحــزم لقن الدرس ...ما همنا غادي الحياة وهملها

وهنا مجموعة أبيات شعرية مختارة أيضاً للأمير خالد خالد الفيصل 

لاح يوم الوطن والعز لاح … وكلمة الله على البيرق تلوح
يوم الاسلام يا يوم الفلاح … والوطن كل روح له تروح
فوق الايمان ركبنا السلاح … والمقابيل بالخافق تبوح
***
وعشتك اكثر من زمن … وسقيت من عروقي ثراك
انت الابو وانت الولد … وانت التغرب والبلد
وانت الشدائد والرخا … أموت وتاريخك خلد
***
ارفع راسك انت سعودي … طيبك جاوز كل حدودي
مالك مثيل(ن) بالدنيا … غيرك ينقص وانت تزودي
فارس واجدادك فوارس … واصبحت لبيت الله حارس
***
عف الزمان وكل شيء منه عف … إلا الوطن ما عنه عفيت
اشر لي بعين هدب جفنها رف … وأنا له بعين المحبين لبيت
خمسين عام أعاشقة والهوى زف … زفت عروس في هواها تغنيت

-    أبيات شعرية لبدر بن عبدالمحسن 

انا السعودي صح، ترى الناس صقهان … عن كل لفظٍ فيه فخر وحميه
أنا لهيب المجد والناس دخان … شربي سحاب وشرب غيري البقيّة

-  قصيدة شعرية لعبدالرحمن بن مساعد

هنا الكعبة وأرض النور ... هنا إبراهيم وما شيد 

هنا قال الدعا المأثور …  بأمن ورزق يتجدد

هنا نزلت سبأ والطور ... على سيد البشر أحمد

هنا تضم الصحابة قبور ... هنا التوحيد يتأكد

هنا دين الله المنصور ... هنا التاريخ يتشهد

هنا يبقى العدو مدحور ... هنا الأوهام تتبدد

هنا حب الوطن محفور …  بنا من قبل ما نولد

هنا أهل النهى والشور …  وشعب المملكة موحد

وخير المملكة موفور …. وهي بعيالها تسعد

هنا يملى النفوس شعور …  بفخر باذخ سرمد

سعودي في الفخر معذور …  فمجدك دونه الفرقد