أعلن الفنان محمود حجازي عن خضوعه لعملية جراحية اليوم لتعرضه لخلع بالكتف، أثناء تصوير مسلسل "يوتيرن" الذي يعرض حاليا ضمن المسلسلات المصرية لموسم رمضان 2022، وأكد حجازي أنه لن يتمكن من الحصول على فترة نقاهة، بسبب التزامه باستكمال تصوير المسلسل.
وكتب حجازي عبر حسابه في موقع الفيس بوك: الحمد لله عملت عملية النهاردة، كان التوقيت صعب جدا عشان كان بقالي 5 أيام كتفي مخلوع وأنا بصور بيه وماعنديش أجازة ولسه بصور بس الحمد لله على كل شيء.
وتابع: العملية نجحت وهخرج النهارده وهكمل تاني تصوير من بكرة إن شاء الله استكمالا للانتهاء من الأعمال الرمضانية، ويا رب شغلي السنة دي يكون عاجبكوا، شكرا أستاذ دكتور محمد طه الشيوي.
وسبق أن تدخل الفنان محمود حجازي للدفاع عن النجمة ريهام حجاج بعد تحميلها مسئولية إعلان اعتزال الفنان توفيق عبد الحميد الفن نهائيا، وأشار حجازي إلى أنه يتعاون مع ريهام للعام الثاني على التوالي ويرى نفسه شاهد عيان على ما تتعرض له من ظلم.
حجازي وجه رسالة لكل متابعيه على موقع الفيس بوك قال فيها: انا في حاجه ماكنتش عايز اتكلم فيها بس بجد مش قادر اشوف حد علاقتي بيه طيبه وبشتغل معاه وبشوفه بيتعب قد ايه وبيتعامل مع كل الناس بشكل محترم جدا والاقيه ديما بيتظلم من الناس من غير ما تعرف تفاصيل ديما هو اللي بيشيل المشاكل كلها سؤاء كان جزء منها او ميعرفش حاجه منها.
وتحت عنوان "ليه بقينا بنستسهل الظلم" تابع حجازي قائلا: انا السنه دي بشتغل ٣ مسلسلات جواه رمضان وكانت سنه صعبه جدا وممتعه جدا وانا محظوظ اني اشتغلت مع الاستاذ توفيق عبد الحميد اللي لسه شايف قرار انه بعد الانتهاء من تصوير مسلسل يوترن سوف يعتزل الفن.. قد ايه الخبر ده زعلني جدا وبتمني انه يتراجع فيه ويفضل يمتعنا بفنه الحقيقي المبهر وان شاء الله هيحصل كده..
وواصل: وكمان زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده بس لمجرد انهم عايزين يهدموا اي نجاح بشكل مليان ظلم وعدم فهم واستنتاجات ليس لها علاقه بالحقيقه..
أضاف: والمشكله ان دي طريقه بتتكرر وكل مره بقول اكيد الناس هاتفهم لوحدها بس الاقي الموضوع مكمل بطرق غريبه والغريب اكتر ان في ناس بتستغل الموضوع ده.. وانا مش بكتب الكلام ده و مستني اي حاجه غير اني حسيت لو انا اللي وقع عليه الظلم ده وعايز الناس تفهم بس.. انا ده تاني عمل ليا مع الاخت العزيزة ريهام حجاج ووالله والله انا كلامي هتحاسب عليه قدام ربنا يعني ولا حد في الدنيا دي كلها هيأثر عليه غير الحق.. واسف اني طولت عليكم وكل سنه وحضراتكم طيبين.
وبنفس الوقت نفى الفنان توفيق عبد الحميد ما تردد من شائعات بأن الفنانة ريهام حجاج هي السبب في قرار اعتزاله العمل الفني، مؤكدا أن حالته الصحية هي التي تستوجب ذلك.
وكتب توفيق عبد الحميد عبر حسابه على موقع الفيس بوك: علاقتى بريهام حجاج طيبة جدا وهى فعلا بمثابة ابنتى والموضوع له علاقة بحالتى الصحية لأنها تستحق منى الاهتمام.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
