اكتب الكلمات الرئيسية فى البحث

محمد هنيدي يرفض الشماتة في محمد صلاح بعد نهائي أبطال أوروبا

محمد صلاح - الصورة من حسابه على تويتر
محمد صلاح - الصورة من حسابه على تويتر

تصدى النجم محمد هنيدي لحملة شماتة في نجم كرة القدم المصري محمد صلاح، اندلعت بعد لحظات من خسارة فريقه ليفربول بطولة دوري أبطال أوروبا أمام فريق ريال مدريد، وأكد هنيدي أن صلاح مثلنا جميعا "لم يولد وفي فمه ملعقة من ذهب"، وشق طريقه نحو القمة بصعوبة وكفاح، ويستحق من الجميع الدعم وليس السخرية.

محمد صلاح - الصورة من حسابه على تويتر

وكتب هنيدى عبر كل منصاته بمواقع التواصل الاجتماعي قائلا: عارف لما بتبقى بتلعب بلاعب فى البلاى ستشين وفجأة تلاقيك بتنافسه أو اللاعب بعد ما اعتزل بيحلل أداءك فى التلفزيون وبيوصفك بالأفضل فى منطقتك فى العالم.

أضاف هنيدى: عشان كدة بقى عايز أقول حاجة، بقالى فترة بشوف "بعض" الشباب اللى بيحاول يسخر أو يقلل من صلاح، يمكن يكونوا مابيحبوش صلاح أو بيشجعوا فرق منافسة، من حقك ماتحبش صلاح وحقك تحب فريق منافس وتشجعه، بس الفكرة ليه تقلل أو تكره واحد قدر يعمل اللى ملايين كانوا بيشوفوه مستحيل.

وتابع هنيدى: صلاح اللى كان بيسافر بالقطار كل يوم وينام فى النادى على الأرض وبدون واسطة قدر يصنع نفسه من الصفر، لغاية لما وصل أنه بقى ينافس على الأفضل فى العالم".

وواصل هنيدي قائلا: صلاح زينا وشبهنا، ماتولدش فى بقه معلقة دهب، وقدر يكون مثال لأى واحد بيتعب وشايف أن حلمه وهدفه مستحيل يتحقق".

وأضاف هنيدى: صلاح مثال لأى شخص مجتهد وبيمر بظروف صعبة وحياة صعبة، مثال إنك تقدر مش بس تكون الأفضل فى بلدك تكون الأفضل فى العالم، الفكرة مش فى الشخص الفكرة فى الفكرة نفسها، أن يكون عندنا شخص وأشخاص طبعا فى مجالات كتير تانية زيه، قدروا يحققوا اللى انت واحنا كنا شايفينه مستحيل، فالحب والتقدير لصلاح مش حب لشخص، حب لفكرة ونجاح، وهاردلك لصلاح.

وكان فريق ريال مدريد توج بدورى أبطال أوروبا للمرة 14 فى تاريخه، بعد الفوز على ليفربول بهدف دون رد، مساء السبت، فى استاد دو فرانس فى العاصمة الفرنسية باريس.

لمشاهدة أجمل صور المشاهير زوروا «إنستغرام سيدتي»

وللاطلاع على فيديوجراف المشاهير زوروا «تيك توك سيدتي»

ويمكنكم متابعة آخر أخبار النجوم عبر «تويتر» «سيدتي فن»