أصدرت المطربة رنا سماحة أغنية خاصة بمناسبة الاحتفال بيوم ميلاد ابنها الوحيد "مالك الأول"، بعنوان "اللولي"، قامت بتلحينها بنفسها، وهي ثاني أغنية تقدمها رنا لابنها، بعدما استقبلته العام الماضي بأغنية "حبيب مامي"، التي وثقت فيها تفاصيل عملية الولادة لحظة بلحظة.
أغنية "اللولي" من كلمات أحمد حسن راؤول، ومن ألحان رنا سماحة وتوزيع حمادة البيلي، وتم تصويرها بطريقة الفيديو كليب، وتقول كلماتها: "يا حلاوة اللولي اللولي اللولي اللولي اللولي اللولي
الليلة الليلة نلم العيلة ونيجي نهني سيادتك
الليلة الليلة تقوم هوليلة وبكرة أفرح بشهادتك
نرقص ونغني وكله يهنّي تلم لعب وهدايا
سنة ورا سنة جنبي ف حضني ف قلبي ميت سنة وانت معايا
مالك دنيتي بحلاوتك
بعشق ضحك وشقاوتك
سندي من الدنيا بحالها
ولا شيء في الكون في غلاوتك
مهما تجنني بزنك
مقدرش ابعد يوم عنك
بكرة تشرفني وتطلع
أجمل دكتور في عيادتك
يا حلاوة اللولي اللولي اللولي اللولي اللولي اللولي".
وسبق أن وجهت رنا سماحة رسالة إلى ابنها مالك في يوم ميلاده الأول، حيث نشرت صورتين تجمعهما، من خلال حسابها علي موقع "إنستغرام"، وعلّقت عليها بـ: "عدا أحلى سنة في حياتي.. لما عرفت إني حامل في ولد..قولت الحمد لله.. ومجاش في بالي غير إن ربنا يقدّرني أعرف أربي راجل بجد".
وأضافت رنا سماحة: "اللي يشوفه يدعيلنا على تربيته وأخلاقه.. وبتمنى من ربنا يقدرنا على حسن تربيتك.. زي النهارده من سنة جيت الدنيا وحليتها يا عمري.. ربنا يجعلك أحسن وأسعد وأصلح الناس يا رب.. ويفرحني بيك وأشوفك راجل صالح ناجح.. ويديني العمر لحد ما أسلمك لبنت الحلال اللي هتشيلها في عيونك الحلوين يا عيوني إنت.. بحبك يا لوكي يا حبيب مامي وروح مامي".
وبعد تلقيها عدة استفسارات حول أسباب اختلاف شكل ابنها الملحوظ عن ملامحها وملامح والده الملحن سامر أبو طالب، وجهت رنا سماحة رسالة عبر خاصية "الاستوري" قالت فيها: "ابني والله ومش خاطفاه.. كل الحكاية أن جدي مصطفى سماحة كان ملوناً، والد بابا يعني مش بعيد ولا حاجة.. فقولوا ما شاء الله واتهدوا".
لمشاهدة أجمل صور المشاهير زوروا «إنستغرام سيدتي»
وللاطلاع على فيديوغراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
