كشفت البلوجر سارة محمد عن تفاصيل حياتها بعد الحادثة التي تعرضت لها وإصابتها بالعمى، مؤكدة رضاها بكل ما كتب عليها من تغيرات صادمة في حياتها، وتمنت فقط أن تتوقف حملة الشائعات التي تلاحقها، وأشارت إلى أن حالتها النفسية تحسنت قليلاً بعد حملة الدعم المتداولة حالياً على مواقع التواصل الاجتماعي، كما توجهت برسالة لمرتكبي الحادث.
وأضافت سارة محمد في لقاء مسجل ببرنامج صبايا الشمس مع المذيعة ريهام سعيد، عرض بعد ساعات قليلة من إعلان فقدانها البصر نهائياً:" أكتر حاجة مقوياني دعمكم ليا النفسي، وأنا راضية باللي ربنا قسمهولي، بس اللي أنا بقوله إن اللي أذوني دول بني آدم شبهي، ولغاية دلوقتي محدش جه قالي دول نزلوا صور اللي عمل كدا".
وواصلت قائلة: "مش عايزة أقول أي حاجة، بس خلاص بقى بطلوا تتكلموا عني وتطلعوا إشاعات، أنا رافضة إني أقول أي حاجة، وبشكر كل الناس اللي بتدعمني وبتقول كلام كويس، وبقولهم انتوا حسنتولي نفسيتي كتير، ومكنتش متخيلة إني هلاقي ناس كتير كدا بتحبني ومهتمة بمرضي".
وتابعت سارة: "عايزة أقول إن عمرو الوحيد هو اللي عندي 24 ساعة، مش بيسبني، عمرو الوحيد هو اللي تثقه في أي حاجة هو بينزلها، لأنه مش بينزل حاجة من غير ما يكون معرفني، وهو قاعد في بيتنا وقاعد مع أهلي".
يذكر أن الصفحة الرسمية لـ البلوجر سارة محمد أعلنت عن فقدان بصرها بشكل نهائي، وذلك بعد أيام من تعرضها لحادث إطلاق طلقات خرز عليها، حيث فشل التدخل الجراحي بعدما تبين أن الشبكية تهتكت بالكامل، بسبب إقدام سارة على حماية خطيبها وقت الحادث، وتلقيها دفعة الطلقات كاملة في الوجه.
وكتبت صفحة سارة عبر حسابها بموقع إنستغرام: سارة فقدت آخر أمل كانت متمسكة به للأسف، النتيجة النهائية سارة فقدت بصرها، اللهم لا نسألك رد القضاء ولكن نسألك اللطف فيه.
وكتب البلوجر عمر سنايبر صديق سارة عبر ستوري صفحته الرسمية بموقع فيس بوك: لا حول ولا قوة إلا بالله.. اللهم إني لا أسألك رد القضاء ولكني أسألك اللطف فيه، ربنا يصبرك يا سارة يا رب.. اللهم لا اعتراض.. سارة فقدت بصرها تماماً.
وتابع قائلاً في منشور مشترك مع حساب سارة عبر إنستغرام: "الدنيا كلها دعتلك يا ساره لكن إرادة ربنا فوق كل شيء، ربنا أكيد ليه حكمة كبيرة محدش عارفها لكن اللي أقدر أقوله إن ربنا قادر على كل شيء محدش عارف ربنا شايلك ايه".
أضاف: "قدر الله وما شاء الله فعل ربنا يصبرك يا رب يا ساره، عارف ان الابتلاء دا تقيل عليكي بس وعد مني ليكي قدام ربنا هفضل طول عمري الأخ و الصاحب و السند ليكي، أي وقت هتلاقيني موجود عشانك وأهلك موجودين وكلنا موجودين علشانك و هنحاول نعوضك ونعمل المستحيل عشانك، و مش هنسكت هندور علي أي أمل من جديد ومين عارف اللي مقدرش عليه البني ادمين قادر عليه رب العباد، ربنا يصبرك يارب يا ساره.
وأضاف في تعليق على منشور آخر:" كل المعلومات اللي عرفتها أن الدكتور لما فتح يبص لقى العين من جوة متبهدلة خالص والشبكية شبه ساايحة.. طب في أي أمل يا دكتور حتى لو هتسافر قالي لا".
ومؤخراً كشف عمر أن البلوجر سارة ستخضع لعملية ولكن نسبة نجاحها 5 % فقط، إذ كتب:" آسف إني مطمنتش أول ما استلمنا الآشعة، للأسف الموضوع مكنش مطمن نهائي، ولسه مش مطمن خالص بصراحة، الدكتور قرر إنه هيعملها العملية ولكن نسبة نجاحها أقل من 5%،، وطالب متابعيها بتكثيف الدعاء لها".
لمشاهدة أجمل صور المشاهير زوروا «إنستغرام سيدتي».
وللاطلاع على فيديوجراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
