بعد النجاح المدوي للإعلان التشويقي الأول لمسلسل "النهاية" للنجم يوسف الشريف تصدى مؤلف المسلسل عمرو سمير عاطف للمرة الثانية لاتهامات تلاحقه بسرقة الفكرة من أفلام أمريكية شهيرة، مؤكدا أن العمل مصري وأنه يعلم أن الحقيقة ستضايق عدد كبير من الناس ولكن على المشاهدين الصبر لحين عرض العمل ووقتها سيعلمون أن المسلسل غير مقتبس من أي عمل سبق عرضه.
عمرو رد على الاتهامات المتلاحقة بمواقع التواصل الاجتماعي عقب عرض الإعلان التشويقي قائلا: ايه ده؟روبوت؟ يبقى اكيد متاخد من ترمينيتور، ايه ده؟ روبوت وعايز يدمر العالم؟ يبقى اكيد متاخد من ويست ورلد، ايه ده ؟ الناس عايزة تدمر الروبوتس؟ يبقى اكيد متاخد من اني ماتريكس، في الحقيقة انه مش متاخد من اي حاجة انا عارف ان دي حاجة ممكن تضايق ناس كتير بس انا اسف هي دي الحقيقة وان شاء الله لما المسلسل ها يتعرض ها تعرف ان انت يمكن اللي بتتاخد.
وحقق الإعلان التشويقي الأول لمسلسل "النهاية" 566 ألفف مشاهدة في ساعات قليلة وظهر فيه العديد من الفنانين منهم يوسف الشريف وعمرو عبد الجليل وسهر الصايغ واحمد وفيق وناهد السباعي ومحمد لطفي، ويشير البرومو إلى تدمير العالم بواسطة التكنولوجيا ويحاول يوسف الشريف التصدي لهذا الدمار، المسلسل من تأليف عمرو سمير عاطف، وإخراج ياسر سامي.
يذكر أن مؤلف مسلسل النهاية تعرض طوال السنوات الماضية لاتهامات متكررة بسرقة مشاهد وأفكار مسلسلاته مع النجم يوسف الشريف من مسلسلات وأفلام أمريكية، واستبق عرض الإعلان التشويقي وأصدر بيانا توضيحيا أكد فيه أن العمل المقرر عرضه ضمن ماراثون دراما رمضان 2020 من بنات أفكاره ولا يوجد أي مشهد مقتبس من أي عمل آخر ورفض مقدما مقارنته بمسلسلين أمريكيين يتناولان نفس الأحداث.
عمرو أصدر البيان فجر السبت الماضي عبر حسابه بموقع الفيس بوك قائلا: نظرا لاقتراب عرض المسلسل ان شاء الله وانتشار التوقعات والتكهنات وبرضه الهبد الجميل فانا حابب اوضح مجموعة حقائق اولا المسلسل ينتمي الى الخيال العلمي احداثه بتدور في المستقبل مش بعد 50 سنه زي ما بيتقال لاء اكتر من كده شويه.
تابع قائلا: ثانيا المسلسل مش متاخد ولا مسروق ولا مقتبس من أي عمل مصري او أجنبي وده معناه ان ما فيش شخصية ولا موقف ولا جملة ولا كلمة واحدة متاخده من أي عمل اخر سبق لأي حد انه شافه وكل المقارنات اللي بتتم حاليا بين العمل اللي لسه حتى ماحدش شاف التريلر بتاعه واعمال اجنبيه زي oblivion -gemini man هى محض هبد وافترا.
واختتم بيانه بقوله: لو المسلسل نجح ان شاء الله فمن فضلك تأكد تماما وكن واثق كل الثقة ان ده صناعة مصرية ميه في الميه ولك ان تفخر بها وانت مطمن ويارب يعجبكوا.
لمشاهدة أجمل صور المشاهير زوروا أنستغرام سيدتي
