وجّه الفنان احمد فلوكس رسالة شكر لزوجته الأولى وأم ابنه سيف السيدة رابيا، مؤكدا أنه عرف معدنها وقيمتها الحقيقية بعدما مر بتجربة مريرة مع سيدة "لم يذكر اسمها" ولكنه وصفها بصفات سيئة جدا أقلها إنها ترمي أطفالها وتتصابى مع الرجال وأخلاقها تنتمي لقاع المجتمع!!
فلوكس الذي لم يتزوج رسميا إلا من أم ابنه رابيا الحرب ومن بعدها الفنانة هنا شيحة، نشر رسالته عبر حسابه بموقع إنستقرام، وأغلق خاصية التعليقات أمام جمهوره لسبب غير معروف، وقال في رسالته: الحقيقة عمر ما جه الفرصة وده تقصير مني أن أشكر أم ابني بعد تعاملي مع ناس وتجربة صعبة مريت بيها عرفتني الفرق بين ولاد الناس بجد وقاع المجتمع والفرق بين الست المحترمة اللي مابتسبش ابنها وبيتها وبين تانية راميين عيالهم ومقضيينها.
وتابع: عرفتني الفرق ما بين واحدة بعد انفصالنا لم تتزوج وفنت نفسها لابنها ومحترمة وضعها وسنها، وناس راميين عيالهم ومقضيينها صحوبية وجواز وعيال صغيرة ولا محترمين سنهم ولا عيالهم ولا حتى شكلهم.
وأضاف فلوكس: بشكرها على محافظتها لاسمي وسمعتي وإنها عمرها ما غلطت فيا ولا في حد وطول عمرها سند وضهر غير ناس تانية لو ملقوش حد يلتوا يعجنوا في سمعتوا يتكلموا على أمهم وعيالهم.. ولا بيحترموا سنهم ولا اسمهم ولا حتى سمعة عيالهم، بشكرها على تربيتها لابني وإنها فنت حياتها ونسيت نفسها ومابقاش عندها حياة غير لابنها رغم إن عندها كل حاجة تخليها تعيش وتتبسط بس كأي ست محترمة قافلة حياتها لابنها وبس.
وتابع: على رغم من انفصالنا ولكن دايمًا صاينا اسمي واسم ابني وبترفعه في السماء.. شكرا ليكي.. شكر لاحترامك لنفسك ولابني ولاسمي.. شكرا للي رباكي.
يذكر أن أحمد فلوكس أعلن انفصاله عن زوجته الثانية الفنانة هنا شيحة قبل مرور عام على عقد القران، وأكدا وقتها احتفاظهما بصداقتهما، وقالا إن الانفصال حدث في أجواء ودية لأسباب خاصة رفضا الإفصاح عنها، ونفى مؤخرا كل ما تردد عن زواجه عرفيا وفي السر من خبيرة تجميل، ولكنه أكد بنفس الوقت قرب زواجه للمرة الثالثة من صديقة قديمة كانت تزامله في المدرسة، لأفتا إلى أن زوجته المقبلة سيدة أعمال ولديها أطفال من زيجة سابقة، وطلب دعاء المتابعين حتى يتمكن من الارتباط بها.
فلوكس نشر صورة لغرفة نوم عروسين وأكد أنه نشرها سابقا وتوهم البعض أنها من شهر العسل بعد رواج شائعة زواجه سرا من خبيرة تجميل، وأضاف عبر حسابه بموقع الفيس بوك: ههه بسبب الصورة دي قالوا عليا اتجوزت وبقضي شهر العسل وقابليها قالوا عليا أنى اتجوزت عرفي وقابليها قالوا كلام كتير.
تابع قائلا: بس أحب دلوقي اقول انا ايه الحقيقة اه ادعولي اتجوز الإنسانة اللي قابلتها والحقيقة هي كانت معايا في نفس المدرسة وعشره سنين ومش زي ما قالوا خبيرة تجميل هي الحقيقة سيده اعمال في مجال السياحة وبنت ناس محترمين جدا ومن عيلة ولان وزنها يتاقل دهب والحقيقة علشان أقدر اروح اطلب اديها وانول شرف جوازها محتاج ترتيبات كتير واحوش كتير علشان مهرها اكيد مش مهر عادي ولا شبكتها هاتكون شبكه عاديه.
أضاف: وبما أنى مش صغير وعندي ابن فأكيد هي كمان مش صغيره واكيد عندها ولاد من أجمل الاولاد اللي شوفتهم في حياتي فا اكيد الجواز محتاج وقت وتحضير وعلشان اروح لأهلها ده لوحده موضوع كبير ....
وواصل حديثه قائلا: علشان كده لسه ماخدتش خطوه صريحه، ادعولي علشان ساعات بيكون رزق رينا لعبده هو واحده زي دي تشاركه حياتوا ... للي مهتمين بجوازي ادعولي ربنا يوفقني ..... دي ردي على موضوع الجواز ... وفي النهاية أحب اقول كلمه واحده بالنسبة لموضوع السرير (سكر محلي محطوط عليه كريمة)
لمشاهدة أجمل صور المشاهير زوروا أنستغرام سيدتي
