اكتب الكلمات الرئيسية فى البحث

بالفيديو شيرين عبد الوهاب تنهار باكية: اتحملت كثير ونفسي أعيش

شيرين عبد الوهاب وحسام حبيب من حساب الأخير على إنستقرام

انهارت المطربة شيرين عبد الوهاب باكية في أول مداخلة هاتفية لها للتعليق على محاولات ابتزازها وزوجها حسام حبيب بتسجيلات صوتية ومقاطع فيديو تم تصويرها سرا لوالد الأخير، وأكدت شيرين أنها عانت طوال 27 عاما، وتحملت الكثير من الألم ولا تريد الآن إلا أن تعيش حياتها في هدوء.

شيرين عبد الوهاب
شيرين عبد الوهاب  وحماها حسين حبيب من حسابه على الفيس بوك

شيرين عبد الوهاب ظهرت للمرة الأولى عقب تسريبات حماها، وقالت في مداخلة هاتفية مع الإعلامي عمرو أديب لبرنامج "الحكاية": بحاول أمشي جوه الحيط، وقت ما موضوع الاتهامات الغريبة كنت في أمريكا كان عندي مشكلة.

 

 

وأضافت شيرين: الحمد الله، ليا 27 سنة تعبت فيهم جدا بتأذي نفسيا عشان أنا شخص حساس، وهناك ناس كتير جدا وقفت جنبي.

 

وكشف حسام حبيب أن استقباله خبر تداول تسجيل صوتي مسرب لوالده كان صادمًا، مضيفًا: كنت نايم وصيحت الساعة 8 الصبح شيرين بتعيط قالت لي شوف أبوك أنا من الصدمة فكرت أبويا مات وبعدها ضحكت.

 

وتابع خلال المداخلة الهاتفية: شيرين كانت خايفة يحصل لي حاجة من الصدمة، وقالت لي علشان خاطري امسك نفسك طمنتني جدًا بدعاها، وحسيت إن شيرين مش زي كل مرة من كتر الصدمات اللي اتعرضت لها.

 

تابع حسام: أنا مقدرش أحاسب أبويا، لكن أحاسب الطرف اللي اخترق خصوصياتي.. وشيرين بتعيط مش عشان زعلت مني، لكنها زعلت عليا، قالت لي أنا مش عايزاك تشيل همي، لكن انت صعبان عليا، والناس حاطاك في الصورة دي، ودعت قالت يا رب ارزقنا حسن التصرف.

 

وأضاف حسام حبيب، أن هناك حالة من التجسس تحدث في حياته الشخصية هو وزوجته شيرين عبد الوهاب، قائلا: في ناس تخترق حياتنا تحت مسمى الصحافة والمسمى الاستقصائي.

 

وتابع: البنت اللي سجلت لوالدي بعتت لي على الفيس بوك وقالت لي عندي تسجيل لوالدك عملت لها بلوك وبعتت لي على واتساب قالت لي دي حتة من التسجيل ولو ما دفعتش 2 مليون جنيه التسجيل هينزل قلت لها تعالي خدي 2 مليون جنيه ونزليه.

 

وسأل عمرو أديب حسام حبيب قائلًا: في حد بيسجلكوا جوه البيت، ليرد حبيب: اللي أخطر من كده في تفاصيل دقيقة وتجنيد بيحصل، وده باعتراف السيدة اللي نشرت الموضوع خلال مداخلة مع بسمة وهبة.

 

وأضح حسام حبيب: بسمة وهبة سألتها سؤال خطير، وهو هل الشخص اللي كان بيتسجله المكالمة عارف إنه حوار وبيتذاع ولا تسجيل صوتي، ردت عليها وقالت لا تعليق.

 

وأكد حسام أن هناك بعض الشخصيات يريدون أن يهددوا شيرين عبد الوهاب ونجوميتها، موضحًا: في حد عاوز يهد شيرين، وهم أشخاص معروفين كانت بتشتغل مع شيرين وقربين منها، وفي بعض المواقف حصلت في الشغل ما بينهم.

 

وتابع: شيرين مش بيفرق معها الفلوس والمكاتب متعرفش يعني ايه البنوك وبتثق في الناس اللي حواليها ثقة عمياء.

 

وأضاف: كانوا مستفيدين من النجمة الكبيرة اللي بتحقق أرباح طائلة وبيقولوا لها حياتك ادمرت بعد لما بعدنا عنك.

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"