اكتب الكلمات الرئيسية فى البحث

تصريحات مثيرة لياسمين صبري عبر تويتر: كل نجاح حققته "حلمت به في طفولتي"

ياسمين صبري - الصورة من حسابها على انستغرام
ياسمين صبري - الصورة من حسابها على انستغرام
ياسمين صبري - الصورة من حسابها على انستغرام
ياسمين صبري - الصورة من حسابها على انستغرام
ياسمين صبري - الصورة من حسابها على انستغرام
ياسمين صبري - الصورة من حسابها على انستغرام
2 صور

احتلت النجمة ياسمين صبري ترند موقع توتر مع الساعات الأولى من صباح اليوم الثلاثاء بعدما شاركت لأول مرة في بث مباشر عبر موقع تويتر لتقديم خلاصة خبرتها في سبل تحقيق النجاح، وأكدت أن كل ما حققته من انجازات حتى الآن سبق وأن حلمت به في طفولتها، وقالت إن ظروفها الصعبة في الطفولة لم تمنعها من "الحلم"، كما إنها لم تستسلم لإحباطات أصحاب الطاقة السلبية.

ياسمين صبري - الصورة من حسابها على انستغرام

ياسمين صبري قدمت أول محاضرة فعلية عن التنمية البشرية مع تطبيق مقولاتها على حياتها الشخصية، لتؤكد أن التغريدات المنشورة عبر حسابها بموقع تويتر على مدار العام الماضي ليست مجرد اقتباسات منقولة، ولكنها حصاد دراسة جادة، وقالت في جلسة حوارية عبر خاصية "سبيس" على موقع "تويتر"، أدارها الكاتب تامر عبده أمين: أنا كنت عايشة في إسكندرية في أسرة طبقة متوسطة، ومصروفي كان قليل جدا ولو خلص بكمل الشهر مع نفسي، وكنت عايشة في بيت جدي وجدتي، وفي مرحلة من حياتي كنت في مدرسة حكومية.

ياسمين صبري - الصورة من حسابها على انستغرام

تابعت: كنت بلعب سباحة وكل يوم بروح التمرين مشي، وأنا ماشية كنت بتخيل إني هيبقى عندي أحلى حاجة في الدنيا، كنت بتخيل حاجة هتحصلي في الحقيقة، وإن هيبقى عندي أحلى جزم وشنط وبيت وعربية، وكل حاجة أحلى، ومكنش في أي حاجة تدل إني هحقق ده، بس كنت بشعر إني أستحق وكنت بحب نفسي، مكنتش أعرف إن ده جزء من قانون الجذب، بعد شوية حققت جزء من أحلامي، وبعده جزء، وكل شوية أحلامي بتكبر.

أضافت: الإنسان هو اللي بيصنع مصيره والعالم والواقع اللي عايش فيه، وعشان كده إحنا بنتحاسب في الآخرة، إحنا مخيرين، الإنسان كل يوم بيبقى عنده اختيارات، والكون عبارة عن مينيو كبير، وانت اللي بتختار لك ولا حد يفرض عليك حاجة، فكر بنفسك واحسبها وتوكل على الله واختار، ولما تطلب من ربنا أطلب أحسن حاجة، وهتاخد أحسن حاجة، وكرم ربنا لا ينتهي، مفيش حنفية ويتقالك كفاية كده، أنا لا أؤمن بموضوع 24 قيراط وإن ليك عدد معين، أنت لو عايز الدنيا هتاخدها.

أكدت ياسمين أن ما يجده الانسان في حياته هو ما سعى بالفعل لتحقيقه، وقالت: نستحق كل حاجة حلوة في الدنيا، لازم نسعى ونحلم، لأن اللي مبيحلمش ده شخص ميت.

أضافت: لما تطلب من ربنا الكبير أطلب كتير، نستاهل نكون في مكان أفضل.

لمشاهدة أجمل صور المشاهير زوروا «إنستغرام سيدتي»

ويمكنكم متابعة آخر أخبار النجوم عبر «تويتر» «سيدتي فن»