اكتب الكلمات الرئيسية فى البحث

سلوى خطاب: الممثلات والمطربات "صغروا فجأة" ولست عدوة للرجال

سلوى خطاب - الصورة من أرشيف المحرر
سلوى خطاب - الصورة من أرشيف المحرر

تصدرت النجمة سلوى خطاب ترند الأكثر بحثاً على مواقع التواصل الاجتماعي في مصر، بعد تصديها لآراء الإعلامية ياسمين عز المنحازة للرجل على حساب المرأة المصرية، وطلبت سلوى الحكم على أي إنسان بمعزل عن جنسه أو جنسيته، وقالت إنها ليست عدوة للرجل كما يروج البعض، ولكنها ترى أن المرأة المصرية تحمل أعباء تفوق طاقة أي إنسان، كما سخرت سلوى من خضوع المطربات والممثلات لجراحات التجميل بهدف اخفاء العمر، وقالت إنها تفضل الاحتفاظ بطريقة "نجمات زمان" القائمة على وسائل طبيعية للرشاقة والتجميل.

سلوى خطاب - الصورة من أرشيف المحرر

كشفت الفنانة سلوى خطاب، عن رأيها في عمليات التجميل، مؤكدة أنها ليست ضد عمليات التجميل ولكنها تخشاها، والمهم بالأمر أن لا يتحول إلى هوس لتغيير الشكل وتعديل الملامح، لأنه مجرد تغيير في المظهر يخفي تشوهات حقيقية في الجوهر.

وقالت سلوى خطاب، خلال حوارها مع ياسمين عز لبرنامج "كلام الناس" على فضائية MBC مصر: أنا بخاف من عمليات التجميل ومش مستوعبة الموضوع، أنا بحب أحافظ ولكن لو احتجت عملية تجميل هعملها، أنا بلاقي ممثلات ومطربات بقوا صغيرين أوي مش عارفة إزاي، وأنا مبسوطة ليهم، وأنا مش ضد عمليات التجميل، والمهم إنه ميكونش هوس بتغيير الشكل.

وأضافت: لو عملية تجاعيد ماشي ده الزمن هنروح منه فين، طب عملنا وشنا لكن النفسية هنعمل فيها إيه؟ يمكن لأني من النوع اللي مش شاغلة نفسي أنا ناسية تاريخ ميلادي.

كما كشفت الفنانة سلوى خطاب عن سر حفاظها على رشاقتها، قائلة: أنا باكل كل حاجة ولكن بمقدار صغير، وبحاول أنظم أكلي، ولكن دي ضريبة لو مكنتش في الفن كان زماني وزني كبير.

وتابعت متحدثة عن الفنانة الراحلة هند رستم: مرة كنت قاعدة مع العظيمة الراحلة هند رستم، كنا في مهرجان وبنتكلم عن الأيام بتاعتهم وسألتها عن سر رشاقتها، قالتلي أنا كنا بنلعب رياضة وبناخد تدريبات رقص، وبنحرم نفسنا من الأكل، أنا مكلتش رز إلا بعد ما اعتزلت.

وردت سلوى خطاب، على اتهام البعض لها بأنها عدوة للرجل، مشيرة إلى أنها لا تتعامل بهذا المنطق، وقالت خطاب: معرفش الاتهام جه منين، يمكن الستات طلعوه عليا عشان يوقفوا سوقي في الزواج.

وأضافت: مش ممكن يكون في عداء، المرأة زي الراجل، أنا بعامل بني آدمين، اللي يهمني البني آدم شكله إيه أو البني آدمة شكلها إيه، مينفعش حد يعادي حد.

وتابعت خطاب: أنا بحس إن الست المصرية شايلة مهام كتيرة قوي، مطلوب منها فوق طاقتها أكثر من الرجل.

وأشارت خطاب إلى أن الراجل مش مطلوب منه حاجة غير شغله، مش مطلوب منه إنه ياخد باله من نفسه»، وعقبت ياسمين: «عشان هو جميل لوحده ربنا خلقه جميل». وردت خطاب: «كفاية رومانسية بقى، هتشوفي، بس ابقي فكريني لما تتجرجري، وعقبت ياسمين: أنا لا أقبل ده عليا أو على حد غيري.

وكشفت سلوى خطاب سبب اتخاذها قرار في وقت سابق بعدم الإنجاب، وقالت: هذا قدر من الله، يمكن ربنا عارف حالتي، أنا مفهمش يعني إيه أجيب أطفال ومتحملش مسؤوليتهم، أجيب أطفال يعني لازم أتفرغ لهم.

وأضافت: طيب أنا ربيت كويس قوي ده جانب، وطبعًا أنسى شغلي والكلام ده، أنا كنت استهلكت في الجواز من كتر ما أنا متفرغة للجواز، وبعدين أتجوز تاني وأخلف، طيب ما أعتزل أحسن.

وتابعت خطاب: كنت حاسة إن المجتمع ده لو خلفت فيه أنا هتعب، لأن في حاجات كتير مش عجباني، وأنا مش فاهمة يعني تربية حديثة، وأجيب عيال يقرفوني ويتعبوني.

وأكملت: هربيهم كويس قوي، وبعدين يطلعلوا للمجتمع يسمعوا أنتش وأجري، مش هفهم الكلام ده.

لمشاهدة أجمل صور المشاهير زوروا «إنستغرام سيدتي»

وللاطلاع على فيديوجراف المشاهير زوروا «تيك توك سيدتي»

ويمكنكم متابعة آخر أخبار النجوم عبر «تويتر» «سيدتي فن»