بالفيديو.. أمير كرارة: ابني يكره التمثيل لهذا السبب

كشف الفنان أمير كرارة عن موقف ابنه سليم من التمثيل، مؤكداً أن الطفل الصغير يكره الفن ويغلق التلفزيون بمجرد عرض أي مشهد لوالده،لأنه يرى أن التمثيل هو الشيء الوحيد الذي يأخذه منه.

وأضاف كرارة خلال حواره لبرنامج "مساء dmc" : "ابني لما يشوفني في التلفزيون بيطفيه، وهو عنده عقده من شغلي؛ لأنه متعلق بيا جدا وبيتضايق من شغلي لأنه بياخدني منه".

وأكد أنه لا يجرؤ أن يخبر نجله بأنه سيترك المنزل للذهاب للعمل، موضحاً :"أنا مقدرش ولا أجرؤ إني أقوله أنا نازل رايح الشغل، وبنزل من وراه ولازم أدخله جوه عشان أهرب أنا عشان أروح الشغل"، مضيفاً : "وأول ما يشوفني في التلفزيون يقعد يزعق ويصوت ولو حد جه يتصور معايا في الشارع بيقعد يشتمه ويزعقله".

تابع قائلاً: "الشغل عنده مشكلة لأنه حاسس طول عمره إن دي الحاجة الوحيدة اللي بتبعدني عنه، بس طبعاً بدأ يتفهم الأمر شوية، وحتى لما بقوله أنا لازم أروح الشغل عشان أخد فلوس وأجبلك اللي أنت محتاجه يقولي لا مش عايز حاجة بس خليك أو نروح نجيب فلوس من البنك".