يبدو أنّ المطربة الشابة رنا سماحة تعرضت لموقف محرج مع أحد "المشاهير الجدد"، فقررت أن تقدّم لجمهورها وصفة شاملة للأعراض الجانبية للشهرة، مؤكدة فيها أنّ النجم الذي ينخدع في الأضواء ويظن نفسه فوق الجميع، لا يخسر جمهوره فقط وإنما يخسر نفسه أولًا!!
رنا وجهت رسالتها لجمهورها قائلة: يا جماعة سمعتوا قبل كده عن الأعراض الجانبية للشهرة؟!! اه الشهرة ليها أعراض جانبية، بتيجي للبني آدم لما بيوصل شوية ويلاقي الناس عارفاه وبتحبه فيصاب بالعظمة بيبطل يشوف الناس بيشوفهم أرقام شوية followers وviews وفلوس، ما بيحسش يعني ايه بني آدم، ما بيعرفش ان خسارة الآدميين اكبر مصيبة من اي حاجه تانية في الدنيا.
اضافت: زي ما دايمًا بقول، الحاجة الوحيدة اللي تستاهل الزعل على خسارتها هي البشر، ولكن البني آدم المشهور بيرفض يمشي على الارض، عشان هو غير الناس بيتحول لإنسان أناني.. أنا وأنا وأنا .
تابعت: الحاجه الأخيرة بقى هي انه بيفقد احترامه لأي حد يحسسه انه عادي، فبيلفت النظر بأي طريقة، بيبدأ بلفت الانتباه وبعدين يحكي عن إنجازاته العظيمة، وطبعًا لازم يحسّسك وهو بيحكيلك انه عادي مش فارق معاه، دي اقل حاجه عنده ولو كل ده ماجابش معاك عادي، تبقى طريقته غير مهذبه لازم يطلع أسوأ ما فيك عشان يبقى كسر عينك، النماذج دي بشوف منها كتير في مجتمعنا
واختتمت رسالتها بدعاء لتجنب أمراض الشهرة بقولها: اللهم اجعلنا دائمًا متواضعين لك، راضيين شبعانين خلي رجلينا دايمًا على الأرض، يا رب وابعد عنا الكبر والغرور وابعد أصحابهم عننا.
الرسالة تبدو موجهة لشخص بعينه، ويبدو أنّ نجمة ستار أكاديمي رنا سماحة لا زالت تعاني الأزمات داخل الوسط الفني، ولكن من قصدت بهذه الرسالة؟
لمشاهدة أجمل صور المشاهير زوروا أنستغرام سيدتي
ويمكنكم متابعة آخر أخبار النجوم عبر تويتر "سيدتي فن"
