ردّ الفنان باسم ياخور على أحد متابعيه الذي انتقده على مصروفه وسفره الدائم. والذي كتب له تعليق «نيالك يا أستاذ معك مصاري بتروح وين ما بدك. وردّ ياخور على التعليق وكتب: «والله أنا لا كنت وزير سابق لهطت وبلعت ولا كنت رئيس وزارة شفطت الأخضر واليابس ولا بيضت أموال ولا اشتغلت بتهريب الدخان ولا اتوظفت بالدولة». «ولا شحدت من العالم ولا اشتغلت بتجارة الحرب ولا استرزقت عالحواجز وطلعت غلة بالملايين ولا عفشت ولا طلعت مع تيار سياسي وقبضت باليورو». «أنا زلمة اشتغلت وتعبت على حالي سنين ولهلق إذا بشتغل بصرف اللي بطلعوا كلو على حياتنا فبدل ما تعلقلي فوت فوتك يا قبضاي عبروفايلات الحرامية اللي معبيين البلد وفرجينا بطولاتك ونقدك اللذع هنيك يا غالي».
