واجه المطرب المصري محمود العسيلي حملة هجوم غير مسبوقة رداً على تغريدة نشرها عبر حسابه بموقع "تويتر" سخر فيها من المواهب الشابة في مجال الشعر والموسيقى متهماً إياهم بانتهاك خصوصيته، ورغم محاولة العسيلي "تحسين موقفه" بتغريدة أخرى ولكنه تلقى نصيحة مباشرة بتقديم اعتذار واضح للجميع.
الأزمة بدأت بعدما أطلق العسيلي تغريدة يشتكي فيها من سيل المحادثات على رقمه الخاص من المواهب الشابة قائلاً: "الإخوة اللي عايزين يبقوا ملحنين أو شعراء اللي بيبعتوا على الواتس الآب الخاص ويكلمك فجأة على أنه متربي معاك وإنكو كنتوا مع بعض في المدرسة ويبعتلك... من الأغاني وسبحان الله كلهم الجو بتاعك ولايقين عليك وباعتهملك مخصوص.. بلوك مع جزيل الشكر".
جمهور عسيلي اتهمه على الفور بالغرور والنرجسية وطالبوه بتذكر أيام كان مغموراً ويبحث عن فرصة وكيف ساعده النجوم وقتها، مما دفعه أولاً لإصدار توضيح قال فيه: "بالنسبة للهجوم الرهيب.. للتويتة السابقة.. والناس اللي بتسخن على أي حاجة.. كل اللي أقصده، هو غزو الخصوصية على نمرة تليفوني الشخصية.. شكرًا".
التوضيح أثار المزيد من الغضب واعتبره البعض تهرباً من الاعتذار الواضح والصريح، ولهذا وجّه عسيلي بياناً لمتابعيه عبر عدة تغريدات قال فيها: "واضح من رد الفعل على التويتة الأخيرة ان الناس مبتفهمش يعني ايه خصوصية بني آدم و مش فاهمين بردو الفئة اللي انا باتكلم عليها من الناس اللي بتطاردك على تليفونك و الواتس اب بتاعك بشكل جنوني و طلعت انا جالد المواهب الشابة و مغرور و تنك و شايف نفسي و مدعي".
تابع قائلاً: "و كتير نصحوني أني ماردش خصوصا بعد الكم الرهيب من قلة الأدب و السفالة و السواد اللي شوفتو في الريبلايز .. عمر ما كان الجري ورا حلمك ويخليك تعترض خصوصية غيرك بالشكل دا.. و دا اللي خلاني اكتب التويتة الأولانية .. عارف ان الموضوع صعب بس في طرق تانية توصلك، و الحمد لله رب العالمين انا اَي حد موهوب بجد و بيوصلي شغله بطريقة محترمة لجد بحاول أساعده و أقوله رايي و اشوفله سكك مختلفة حتى لو شغله مش مناسبني فنيا .. و على فكرة المايل بتاعي موجود و بارد عليه و حطه هنا و على الإنستجرام و شكرًا".
الموضوع التالى
