لم تتحمل الفنانة المصرية عبير صبري كثيرًا رواج شائعة خضوعها لجراحة تجميل، واعتبرتها "حملة مسمومة" يشنها أصحاب "القلوب المريضة" ضدها، ووجهت رسائل قاسية جدًّا إلى كل من ساهم في رواج الشائعة عبر منصاتها بمواقع التواصل الاجتماعي.
عبير وجهت رسالتها الأولى عبر حسابها بموقع انستقرام، ونشرت صورة للفنان الراحل أحمد زكي مع جملته الشهيرة من فيلم "الحب فوق هضبة الهرم" تقول: كلهم كدّابين، وعارفين إنهم كدابين وعارفين إننا عارفين إنهم كدابين، وبرضه مستمرين في الكذب وبيلاقوا اللي يصقفولهم.
وعلقت عبير على الصورة قائلة: لكن الواحد بيترفّع عن المرضى النفسيين الكذابين، والناس اللي فشلت تكون شيء فملاها الحقد والحسد والغل على اللي حقق شيء، والناس البائسة المريضة اللي فاكره إنها لما تنشر خبر كذب وهما عارفين إنه كذب عشان، يعملوا ترافيك ونسب مشاهده كبيرة ويدخلوا المشوّهين نفسيًّا والغيورات والكارهين يطلّعوا بؤسهم وسواد قلوبهم ولسانهم اللي بينقّط سمّ، ومعندهمش غير شاشه تليفون يستخبوا وراها فاكرين إن سمّهم يقلّل من جمال روحي أو حتى شكلي.
تابعت قائلة: الواحد ساعتها بيترفّع عن الناس المسكينة دي، كفاية النار اللي جوّه قلوبهم على رأى المثل مالقوش في الورد عيب قالوا له يا احمر الخدين.
الرسالة الأولى لم تكن كافية، حيث توجهت عبير إلى حسابها بموقع الفيس بوك وكتبت: الناس هاتمّوت نفسها على الترافيك حتى لو باختلاق أكاذيب !! وعلى فكرة مواقع تانية نقلت الهذيان والكذب ده على إنه حقيقة ..على فكرة أقدر أردّ عليكم بنفس طريقتكم واقولكم إنكم كدابين، وإن الناس كلها عارفة إني قمر من يومي .
وأضافت: عمري ماعملت ولا هاعمل حاجة يا فَشَلة ياللي بتاخدوا صورة معمولة على برنامج فوتو شوب على التليفون، وانتم فاهمين ده كويس واكتر من غيركم، وبتخدعوا الناس اللي بتّابعكم بأخبار كذابة زيّكم، وتقولوا عليها تجميل بعتذر لمتابعيني اللي يعرفوا عني العقل والهدوء، بس وجب التنويه عشان الظيطة الكذابة اللي بتحصل حواليّه ..بالمناسبة أنا الحلاوة الطبيعية كلها والجمال كله!!
لمشاهدة أجمل صور المشاهير زوروا أنستغرام سيدتي
