نفد صبر الموزع الموسيقي أحمد إبراهيم، أمام التعليقات القاسية المتتالية على زواجه من المطربة المصرية أنغام، وتكرار ما وصفه بالأكاذيب المتعلقة بعلاقته بطفليه وزوجته الأولى، وأصدر بيانا ناريا تضمن تهديدات قاسية بضرب كل من يحاول انتقاده، ثم حذف البيان استجابة لنصية أصدقاء مقربين، ولكنه عاد وظهر مع الإعلامي عمرو أديب ليكرر نفس التهديدات.
أحمد إبراهيم التزم الصمت طوال الفترة الماضية ورفض الإدلاء باية تصريحات حول زواجه من المطربة أنغام، وحقيقة الخلافات المشتعلة بينه وبين زوجته الأولى، ولكنه فاجيء الجميع مساء أمس الجمعة ببيان مليء بالغضب عبر حسابه بموقع الفيس بوك أكد فيه أنه صمت احتراما لخصوصية حياته الشخصية وليس خوفا من أحد.
ورفض إبراهيم الشائعات التي ترددت حول أن زواجه من أنغام محاولة لاستغلال نجوميتها، كما أوضح حقيقة فارق السن بينهما، وقال: دي رسالة لكل حد هيتجاوز من هنا ورايح، أولًا بشكر كل صحفي وإعلامي احترم رغبتي في عدم التعليق على الكلام الكتير أخر فترة، لكن واضح إن السكوت عند بعض الناس بقى يتفهم غلب وخوف ومحدش بيقدّر احترام الواحد لخصوصياته، أنا بعرف اتجاهل على فكرة وكنت سكت طول الفترة الاخيرة ورفضت ألف برنامج للرد على تجاوزات في حقي وحق زوجتي الثانية أو اتهامات كاذبة في حق زوجتي الأولى منسوبة ليا واتهامات من ناس عاملين "حبايب وقرايب"، بيسخنوا الدنيا ضدي وضد زوجتي الثانية غيرة وغل لكن ربنا الحافظ".
وأضاف: سكت لإني كبير وأعرف أدير بيتي إزاي ومش من هواة الرد و١٧ سنة شغل لا جريت على مادة ولا شهرة لإني شبعان ولإني بتقي الله وبستخيره في تصرفاتي وبأخد قراراتي بنفسي واللي عارفني عارف مين أحمد إبراهيم، اللي في الصورة معايا دي مراتي وحطاني فوق دماغها وبترضيني قبل ما تبقى نجمة وأهم مطربات مصر والوطن العربي، محدش بيجبر حد على حاجه واللي في الصورة معايا لا خدتني من بيتي وولادي ولا خربيت بيت حد ولا ألف شخص يقدروا يحرموني من ولادي، ولادي في حضني هما و أمهم "بنت الأصول" في رقبتي وعايشين في خيري و من عرقي ومحدش أشتكى عشان حضرتك واللي زيك يشحت بيهم و الحمد لله ولادي زي الفل ومعايا ومامتهم فوق دماغي وشايلة لسه اسمي ووش الخير عليا وسواء كملنا او انفصلنا هتفضل أم ولادي وكله نصيب ومش ضعيفة عشان حد يدافع عنها".
وتابع أحمد قائلا : اللي قدامك وبتقول عليه قد ابنها، ده عنده ٣٦ سنة ومخلف ولدين واحد فيهم ٨ سنين ومتجوز ٢ وفاتح بيتين، واتمرمط واشتغل ألف شغلانة وهو صغير وبيساعد في فتح بيوت كتير بفضل ربنا من صغره، وفرق السن يا جاهل اللي بيني وبين مراتي ١١ سنة يعني أقل ٤ سنين من الفرق اللي بين السيدة خديجة والنبي، أنا صاحب أهم بصمات ونجاحات ناس أكبر منه في السن ماحققوش ربعه و بفضل الله أعلى سعر موزع موسيقى حاليا مع اتنين تلاتة كمان من جيله على مستوى الوطن العربي".
وواصل إبراهيم: كفاية متاجرة بولادي وأمهم، ونواح وعياط بحياتنا الشخصية، محدش طلب تدخلكم في أمور بيتي ولا حد يعرف أسرار البيوت، أولادي أو أي واحدة من زوجاتي الأثنين عايشين من عرقي أنا، وقادر أتجوز كمان أثنين لو عاوز الحمد لله، من هنا ورايح اللي هيوصلي أنه غلط فيا أو جاب سيرة أي واحدة من اللي في رقبتي أو تاجر وشحت بحكايتها أنا همسح بيه الأرض ومش هكتفي بالقضاء أنا لا جاي من نيو جرسي ولا متربي في بقي معلقة دهب أنا من بورسعيد وتشقيت وواخدها من تحت وبعرف أرد بأدب وبعرف اَسب وأضرب كمان لتدخلك في حياتي الشخصية والسخرية مني ومن مراتي.
البيان الغاضب دفع عدد كبير من أصدقاء إبراهيم لتقديم النصيحة بضرورة حذف المنشور، وهو ما حدث بالفعل بعد خروج أحمد بتصريحات هاتفية مع الإعلامي عمرو أديب لبرنامج "الحكاية" كرر فيها نفس مضمون بيانه ولكن بلغة أكثر هدوءا، مؤكدا إنه لم يخطئ في شيء ويقم بكل ما يفعل بما يرضي الله.
وأوضح الهدف من ذكر الرسول وزوجته السيدة خديجة بقوله: أنا مش زي الرسول لكن باخده قدوة، ولما بفضل أني أسكت ومردش على الانتقادات بعمل كده عشان بحترم خصوصيتي مش عشان خايف من حد.
وعلق على ما تردد حول زواجه من المطربة أنغام طمعا في الشهرة، قائلا إنه لا ينتقص للشهرة أو الأموال وزوجته تعي جيدًا شأنه موسيقيًا وإنسانيًا، مؤكدا أنه يتقاضى أجرا يعد الأغلى بين 4 موزعين في العالم العربي.
أضاف: أنا محسوب على جيل أيمن بهجت قمر لأني كنت بشتغل من وأنا في الثانوية، وأسرتي كانت مرتاحة لكن أنا اتعودت اشتغل وأجيب مصروفي من وأنا صغير، وقضيت 17 عاما في الوسط الموسيقي شارك خلالها في أعمال لكبار نجوم الغناء.
وتابع مؤكدا أن البعض يظن أن الخوض في الحياة الشخصية للمشاهير حق مكتسب رغم أنه تجاوز غير مسموح، وقال: أنا بورسعيدي وبعرف أشتم وأتخانق وأضرب كمان.
وحول علاقته بزوجته الأولى والقضايا الدائرة بينهما قال: الحرب بتنتهي عمومًا بواحد كسبان، والحرب اللي هيبقي طرفها أنا وشخص عزيز على سواء مراتي الأولى أو عيالي أنا مش عايز أكسبها، وأنا علاقتى مع زوجتي الأولى كويسة وأنها لم تسيء إلى، ولا نزال على علاقة جيدة وتواصلت بها اليوم لأنها زوجتي أم أبنائي، ويجب على الجميع الابتعاد عن علاقتنا، وعمرى ما هفضح أسرار بيت ولن استفز لأفعل ذلك.
أحمد سعد يعلن انفصاله عن سمية الخشاب والتفرغ لتربية "أولاده" ..هل تكون "كذبة إبريل"؟
بيرين سات تخرج عن صمتها وتنفي خبر طلاقها من كينان دوغلو
لمشاهدة أجمل صور المشاهير زوروا أنستقرام سيدتي
