تسببت زيادة ظاهرة تنمر رواد مواقع التواصل الاجتماعي بالمشاهير وأسرهم، وإطلاق بعضهم شائعات تطال حياتهم الخاصة، في إصدار أكثر من فنان بيانا رسميا يناشد فيه متابعيه بالتوقف عن "السخرية" والتنمر" و"الهبد"، كان أخرهم النجم الكوميدي مصطفى خاطر الذي بدا منفعلا من كثرة ترويج الأخبار الخاطئة.
مصطفى خاطر أطبق مبادرة عبر حسابه الشخصي على موقع الفيس بوك للتوقف عن مشاركة "الأخبار الخاطئة" وقال: كفايه كلام علي الناس وكفايه نتدخل في حياة الناس الشخصيه ونحشر نفسنا فيها مش ممكن ارائكم العظيمه الي كل شويه نشوفها كفايه فتي بقا.
وتابع قائلا: وعهد الله محد فاهم حاجه اصلا. كفايه نصايح عظيمه ياسيدي خليها لنفسك كفايه احكام وانت اصلا متعرفش القضيه كفايه تنشر فضايح الناس وتتريق عليها دحنا ماشيين بالستر كفايه ادعاء فضيله وكلنا اخطاء كفايه نقد في الناس وكفايه فلسفه كفايه كلام في السياسه وانت والله مفاهم حاجه كفايه شتايم في بعض علشان وجهات نظر كلها غلط.
واختتم بيانه قائلا: اقسم بالله الواحد معارف الاخبار الصح من كتر الاخبار المتفبركه كله دخل في بعضه وبقينا تايههين في كم عظيم من الاشاعات والاكاذيب والهري والهبد.
النجمة شيماء سيف استنكرت التنمر بأبناء النجوم وقالت عبر حسابها الشخصي على موقع الفيس بوك: الفنان او الفنانة من دول لو خبئ ابنه عن الأضواء او حط على وشه فى الصور قلب او اى حاجة عشان ميتعرفش ويعيش حياة طبيعية تمسكوه تبهدلوه وهات يتلقيح وهو فاكر نفسه مين وهو يعنى محدش خلف غيره وكلام من ده كتيرررر يضايق ويسم البدن.
وتابعت قائلة: ولو عاش حياته طبيعى ونزل صور ولاده تستلموه تريقة هو وعياله واهله بلا رحمه والكارثة أن التريقة على لون وشكل يعنى هو ملوش اى ذنب وانت ياجميل يالى مفيش فيك غلطة بتعترض على خلقة ربنا طب نعمل ايه طيب ؟! والسؤال هنا كمان الى بيكتب كده ده ضميره مش بيئنبه ولو لحظة صغيرة ؟!
النجمة الكوميدية إنجي وجدان قررت "فضح" كل متابع يتنمر بها، وبدأت بالفعل بنشر رسالة وصلتها من فتاة تتنمر بها وتسخر من شكلها ووصفتها ب"أمنا الغولة" بدون العدسات اللاصقة، وعلقت قائلة: أية يا جماعة كمية السواد والغل اللي الناس بقت فيها دي بجد والله بيصعبوا عليا الله يكون في عون أهلهم وإللي حواليهم ربنا يشفي.
تابعت: أنا واخدة قرار إن كل ما هيجيلى رسائل تنمر وشتيمة هنزلها هنا عندى الكلام ده ولا بيفرق معايا متخافوش أنا بس بحب أفضح الناس ده".
وعبرت الفنانة ساندي عن استيائها من تعرض البعض للتنمر وأخرهم ابن الفنان محمد رمضان عندما سخرت إحدى رواد موقع الفيس بوك من لون بشرته السمراء، وكتبت ساندي عبر حسابها على موقع تويتر: هو ليه موضوع التريقه أو (التنمر) بقي موضه ده انا لسه بقول الحمدلله اننا كشعوب عربيه معندناش حتة الالوان دي انا اسفه غلطت كنت فاهمه غلط بجد كفايه تريقه كفايه تنمر على خلقة ربنا كفايه تضيع وقت ف الحقد على الغير كفايه عدم رضا وتشاؤم كفايه منظره فارغه واحداث كفايه".
محمد رمضان منح متنمرة سخرت من لون بشرة ابنه علي السمراء قائلة: أسود زي أبوه.. المصيبة ان محدش من عياله في جمال أمهم ولا لونها، درسا في مكافحة العنصرية، فقام أولا بفضحها بنشر رسالتها الساخرة، ثم رد عليها قائلا: أنا فخور بلوني ولون ابويا واولادي.. اللي ربنا خلقه ومبسوط ان ولادي هيطلعوا ضد العنصرية والدليل ان امهم وأبوهم لونين مختلفين عن بعض.
المطربة الأردنية نداء شرارة تمنت علنا "موت المتنمرين" وقالت دفاعا عن ابن محمد رمضان: فرق أخلاق رهيب.. شوفوا ما أرقى رد محمد رمضان يسعد قلبو وينصرو ما أحلاه.. بس بخصوص هاي الشقرا أم كمامة اللي كاتبه هاد الحكي الذي ينم عن فكرها حتى هوه محترمها وشايل اسمها.. بس احكولي هدول الناس اللي بتعاني من نقص أخلاقي.. متي رح يموتوا ونخلص منهم ومن قلة أدبهم.
النجمة رحاب الجمل وجهت تحذيرا شديد اللهجة للمتنمرين، مؤكدة إنها جاهزة ب"البلوك" لأصحاب التعليقات العنصرية، وقالت عبر حسابها بموقع الفيس بوك: من قديم الأزل تعرف .. #العنصرية بمن يميز بين اللون او العرق او الدين .. #التنمر فهو السخرية والاستقواء علي افراد مما يسبب لهم القهر والاذي النفسي والاكتآب واحيانا الانتحار .. لكن لما حضرتك تتريق علي لون بشرة طفل صغير وتسخر منه .. كدا حضرتك مش عنصري ولا متنمر ...
واختتمت رحاب الجمل، منشورها قائلة: يلا ابدؤا التنظير يا ملايكة علشان انا جاهزة اعمل عشرة الاف حظر (بلوك).
لمشاهدة أجمل صور المشاهير زوروا أنستغرام سيدتي
