مشاهير /مشاهير العرب

شاهد بالصور: أسما شريف منير تتغزل في زوجة ابيها

في محاولة لتغيير الصورة النمطية السلبية عن زوجة الأب، وجهت خبيرة التجميل أسما شريف منير رسالة الى زوجة والدها الفنان شريف منير تعبر فيها عن مدى حبها لها وتقديرها لما تقدمه لها من دعم، مؤكدة أن الصورة المتداولة في الأفلام والدراما عن زوجة الأب غير صحيحة وتخالف الواقع.

أسما شريف منير
أسما شريف منير توجه رسالة حب إلى زوجة أبيها

أسما نشرت عبر حساباتها بمواقع التواصل الاجتماعي صورة لزوجة والدها الفنانة المعتزلة "لورا" وعلقت عليها قائلة: الست الجميلة اللي في الصورة دي هي (لورا) مرات أبويا إيه ده هو في مرات أب حلوة كده أومال فين الحوافر والعيون الشريرة، مش مرات أب؟ يبقي أكيد لازم تكون شريرة و بتعذب الولاد وبتشغلنا في البيت هههه.

 

الست الجميلة اللي في الصورة دي هي (لورا) مرات ابويا! ايه ده هو في مرات أب حلوة كده اومال فين الحوافر و العيون الشريرة ...

تم النشر بواسطة ‏‎Asma Sherif Moneer‎‏ في الأربعاء، ٢١ أكتوبر ٢٠٢٠

أضافت: ده اللي المجتمع و الافلام ديمًا بيصدروا بس الحقيقة إن الست دي من اطيب و اجمل و اجدع الستات اللي في الدنيا، عمري ما اتخنقنا يمكن اختلفنا مرة بس عمرها ما اتعدت علي حقوقنا و لا التزامات ابويا لينا، او اخواتي او بناتي عشان هما صغنانين، هي عيلتي وحبيبتي.

 

تابعت قائلة: لما بزعل مع ابويا بتقف جنبي حتي لو هيتخانق معاها، انا و هي اصلًا شخصيتنا قريبة من بعض بتفهمني و بتحس بيا، انا عمري ما اتكلمت عنها عشان هي بعدت عن الأضواء من زمان، بس حسيت اني لازم اقولها اني بحبها و بحترمها و اديها حقها، و عشان اقول لإي ست لو انتي مرات أب لأولاد لازم تتقي ربنا فيهم و صاحبيهم و حبيهم كأنهم ولادك و ربنا هيجازيكي كل خير و جوزك هيشيلك في راسه.

 

واختتمت: بحبك يا لولو اوي و ربنا يخلينا لبعض كلنا ديمًا و شكرًا علي كل حاجه حلوه عملتيهالي.. اه و بالناسبة هي بتعمل افكار حلوه اوي علي الإنستاجرام تبعوه.

 

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"

X