اكتب الكلمات الرئيسية فى البحث

نرمين الفقي بعد ظهورها كضيفة شرف: كان نفسي أشارك أكثر في "الكبير أوي 6"

نرمين الفقي وأحمد مكي بشخصية حزلقوم - الصورة من صفحتها على الفيس بوك
نرمين الفقي وأحمد مكي بشخصية حزلقوم - الصورة من صفحتها على الفيس بوك

كشفت النجمة نرمين الفقي عن سعادتها بالمشاركة كضيفة شرف في الجزء السادس من مسلسل "الكبير أوي" بشخصية زوجة حزلقوم، وقالت إنها تمنت لو استمر ظهورها في العمل لفترة أطول، وتحدثت عن أجمل لحظاتها في رمضان، كما كشفت عن تعمدها تغيير جلدها في الأعمال الفنية خوفا من الوقوع في فخ التكرار.

نرمين الفقي وأحمد مكي بشخصية حزلقوم - الصورة من صفحتها على الفيس بوك

أضافت نرمين الفقي في مداخلة هاتفية لبرنامج " اللمة تحلى" على إذاعة شعبي أف أم: اتبسطت أوى بمشاركتي كضيفة شرف في الكبير أوى 6 النهاردة استمتعت استمتاع غير طبيعي الكاست كان حلو أوى كل الناس كانت هايلة ده غير إن مكى تحسيه من جواه تلقائي موهوب وكان نفسى أكمل أكتر.

وحول أسعد لحظاتها في رمضان قالت نرمين الفقي: أول حد لمتى بتحلى معاه أهلي وعيلتي بعد كده أصحابي.. الصحاب اللى بجد لأن فيه أصحاب بجد وفيه اصحاب أوى أوى دول فأنا برتاح مع الناس الطبيعية التلقائية اللي بتحب بعض بجد ومن قلبنا، وأنا مقلة فى أعمالى وده مش بكيفى حسب الأعمال اللى بتتعرض عليا ولأنى بنتقى أدوارى ومفيش فنان بيقعد فى البيت بمزاجه أنا يمكن أقول إن كل اللى جانى كانت حاجات عادية بالنسبالى لا يمكن أقول كده إطلاقا.

وأضافت: كل أعمالي أرهقتنى إحنا مهنتنا صعبة للغاية وكل عمل بياخد من صحتنا وعمرنا وبياخدنا من أهالينا وبياخدنا زمن حاجات كتير أوى وافتكر كنت بعمل آخر جزء فى مسلسل نصيبى وقسمتك كنا بره بيتنا حوالى 36 ساعة وفى أبو العروسة من التعب بعد ما خلصت روحت المستشفى.

وتابعت: بحاول أغير جلدى وأعمل أدوار متنوعة وحاولت بشتى الطرق إنى أبين موهبتى حسب العمل اللى بيتعرض عليا، وكذا حاجة ممكن تكسرنى إن أنا لو اخترت بنى آدم سليط اللسان أو ممكن يمد إيده عليا أو أن الراجل المرتبطة بيه يحسسك إنك ولا حاجة كل ديه حاجت تكسر أى ست.

وعن والدتها فقالت: أمى الله يرحمها كانت بطفش العرسان منى لأنها كانت متعلقة بيا وكانت صاحبتى أوى وتحولت إلى بنتى لما تعبت وكانت بتخاف عليا أوى خاصة أن علاقتها بوالدي مكنتش حياة طبيعية وانفصلوا فكانت خايفة عليا أوى أن أنا ممكن اتاذى.

لمشاهدة أجمل صور المشاهير زوروا «إنستغرام سيدتي»

وللاطلاع على فيديوجراف المشاهير زوروا «تيك توك سيدتي»

ويمكنكم متابعة آخر أخبار النجوم عبر «تويتر» «سيدتي فن»