اكتب الكلمات الرئيسية فى البحث

بالفيديو يسرا تدعم حمو بيكا: احنا بنحبك من قلبنا

يسرا - الصورة من صفحتها على الفيس بوك
يسرا - الصورة من صفحتها على الفيس بوك

حصل مؤدي المهرجانات حمو بيكا الممنوع من مزاولة مهنة الغناء بقرار من نقابة الموسيقيين، على دعم مباشر من النجمة يسرا، التي حرصت على تحيته أثناء تواجدهما في حفل زفاف ابنة المنتج عصام إمام، وقالت إنها تحبه من قلبها.

حمو بيكا - الصورة من صفحته على الفيس بوك

حمو بيكا وثق اللحظة و نشر فيديو يجمعه بالفنانة يسرا في حفل زفاف ابنة المنتج عصام إمام، وهي تقابله بترحاب شديد وتثني عليه، وعلق حمو بيكا على الفيديو عبر صفحته الرسمية على موقع الفيس بوك قائلا: "اتعب واشتغل لحد ما تقابل الفنانة و القامة الفنية الكبيرة ( يسرا )وتقولك: (احنا بنحبك من قلبنا) حقيقي انا اللي بحبك جدا و بحب فنك جدا و بحب افلامك كلها يا ست الكل.. اتعب اكتر لحد ما صوتك يوصل للعالم كله".

شارك عدد كبير من نجوم الفن والرياضة والمشاهير في مشاركة المنتج عصام إمام شقيق الزعيم في الاحتفال بزفاف كريمته "فرح" على رجل الأعمال محمود عبد النبي وذلك داخل أحد الفنادق بالقاهرة الجديدة.

كان ضمن الحضور من نجوم الفن يسرا، المخرج رامي إمام، لبلبة، هاني رمزي، فيفي عبده، حمو بيكا ومصمم فستان زفاف العروس العالمي هاني البحيري.

يذكر أن نقيب المهن الموسيقية المستقيل هاني شاكر صرح مؤخرا بأحقية بيكا في خوض الاختبارات من جديد العام المقبل، وبعدها نشر مطرب المهرجانات عدة صور له مع الدكتور محمد عبد الستار، وعلق عليها قائلا: أثناء تدريبى مع الدكتور محمد عبد الستار.. يا مسهل.. تدريبات لاختبارات النقابة.. ادعولى..

وتدخل الدكتور محمد عبد الستار رئيس قسم الغناء بالمعهد العالي للموسيقى العربية، لكشف كواليس مقاطع الفيديو والصور المنشورة له برفقة بيكا مؤكدا إنها التقطت دون علمه منذ أكثر من عام تقريبا وليس مؤخرا كما قال بيكا، ووصف الأخير بالمخادع لجمهوره والذي لا يريد أن يتطور.

ونشر الدكتور محمد عبد الستار توضيحا مطولا عقب نشر بيكا الصورة مع تعليق يؤكد بدء الاستعداد لخوض الاختبارات من جديد، وقال عبر حسابه بموقع الفيس بوك: ردا على أصدقائي الصحفيين والإعلاميين المحترمين عشان ننهى الموضوع ده تماما، حمو بيكا شخص بيأدى نوعا من المزيكا أنا لا أؤمن به، ولا أسمعه ولكنه موجود ومنتشر ومش محتاج أى إنكار منى أو من غيرى.

وتابع: "رقم اتنين بكل بساطة النقابة عملت دورها قدام الإعلام، وأنهم يظهروا الحقيقة أنهم مش بيحاربوا حد من غير مبرر، وحبوا يساعدوهم أو يمدوا أيديهم بمعنى أصح لأشهرهم، ونظرا للثقة الكبيرة الحمد لله من أعضاء النقابة فيا وفى تاريخى فى تدريب الأصوات لأسماء كبيرة جدا دربتها طول حياتى، ومش هذكر حد منهم احتراما لخصوصيتهم، تم ترشيحى انى أدربه عشان يقدر يؤدى فى الامتحان، واللى حصل بكل بساطة أننا اتقابلنا مرتين ومن خلالهم قدرت أحدد هل هو يملك الموهبة اللى تخليه يؤدى فى الامتحان ولا لأ.

أضاف: "بعد المرتين اللى ممكن يكونوا بقالهم سنة تقريبا واللى اتاخدت فيهم الصور من غير علمى بالمناسبة، ما حصلش أى مقابلة تانى نظرا لعدم اهتمامه من الأصل أنه يطور من نفسه أكتر أو يحاول يكون أحسن هو بس بيحاول يكسب تعاطف، ويعمل استعراض أنه بيحاول وده مش حقيقى أبدا، وده كل الوضع بالتفصيل الدقيق".

وقال: "وبكده فعلا مفيش أى كلام تانى ممكن يكون عندى أو معلومات أكتر، الموضوع ده للأخوة الصحفيين المحترمين اللى بشكرهم على اهتمامهم اللى بردو كنت أتمنى يكون مساويا للدعم اللى بيتقدم على مدار سنين منى ومن زمايلى المحترمين، أن إحنا نقدم أصوات محترمة وتستاهل ونكون سببا فى رفع الذوق العام، ولسه أتمنى ده يحصل".

أضاف: "نقطتى الأهم ردا على أصدقائى الغاليين وولادى وبناتى الطلاب المحترمين، التعليم وتطوير النفس مش حكر على حد، الكل يستاهل فرصة يبقى أحسن لو هو عايز، لما أنا أرفض أعلم حد ناقصه حاجة أو حتى حاجات كتير، وهو أساسا المجتمع عمله نجم مش أنا وده أمر واقع، يبقى أنا بساعده بإيدى يفضل من سيئ لأسوأ وكده أبقى مش بعمل شغلى ودورى المفروض عليا، وبحب أعمله".

وقال عبد الستار: "المجتهد ضعيف الموهبة هينجح وهيبقى حاجة، ومتكامل المواهب اللى قاعد فى البيت مستنى الناس كلها تيجى تخبط على بابه هيفضل حياته كلها فى بيته، وأخيرا أنا دورى كمدرب للأصوات لفترة تعدى الـ30 سنة، وأستاذ دكتور ورئيس لقسم الغناء بالمعهد العالى للموسيقى العربية بيخلينى مستحيل أرفض أساعد حد، وبالعكس فيه أقل منه موهبة ويمكن شفت تعليقاتهم ومبسوط أنى قدرت أساعدهم بفضل ربنا يكونوا أحسن ويبقى كمان عندهم الثقة اللى تخليهم ينتقدوا، الكل يستاهل فرصة يتحدد له هو يقدر وعنده موهبة حتى لو بنسبة ولا لا.

وشاركت يسرا مؤخرا في تقديم أول أغنية مهرجانات ضمن أحداث مسلسلها الأخير "أحلام سعيدة"، الذي عرض ضمن المسلسلات المصرية لموسم رمضان 2022 وشارك بالغناء أبطال العمل وهما شيماء سيف، غادة عادل، مي كساب، وذلك بالتعاون مع فريق المهرجانات الشهير المدفعجية.

وتحمل الأغنية اسم "فكك"، من كلمات كنكا وشيندي وألحان المدفعجية وتوزيع ديزل وميكس وماستر أسامة طارق واشراف عام أحمد كراكيب.

وتقول كلمات الأغنية:مش شايفاكوا..هما مين دول ماشيه بدوس وبعمل اسكور مش شايفاكوا هما مين دول ماشيه بدوس وبعمل اسكورمش شايفاكوا هما مين دول ماشيه بدوس وبعمل اسكور انا ملكه بيبي بردون لا مش لقمه سهله في الزور من يومي ارق واجمل بنت بتنطط انا وارقص عالتت انا صدفه بحلي أي مكان منا دوغري ولا بعجن ولا الت فكك فكك فكك شوف مصلحتك فكك فكك فكك خليك على راحتك عايشها لوحدي مهما كان معايا ناس انا بردو لوحدي.

مسلسل "أحلام سعيدة" بطولة يسرا، غادة عادل، مي كساب، نور محمود، نبيل نور الدين، جيهان الشماشرجي، تأليف هالة خليل، إخراج عمرو عرفة.

لمشاهدة أجمل صور المشاهير زوروا «إنستغرام سيدتي»

وللاطلاع على فيديوجراف المشاهير زوروا «تيك توك سيدتي»

ويمكنكم متابعة آخر أخبار النجوم عبر «تويتر» «سيدتي فن»