مشاهير /مشاهير العرب

بعد مرور أكثر من عام .. نورا العايق تكشف سبب انسحابها من مسلسل "مذكرات عشيقة سابقة"

نورا العايق
نورا العايق
نورا العايق
نورا العايق

فجرت الفنانة السورية نورا العايق مفاجأة كبيرة، حين كشفت عن سبب انسحابها من مسلسل "مذكرات عشيقة سابقة"، قبل عام من الآن، لافتة إلى أن السبب يعود لعدم احترامها من قبل مدير إنتاج المسلسل و عدم توفير متطلبات طبيعية للممثل، وبالتحديد تأمين الإقامة في بيروت. و قالت نورا في تعليق نشرته على صفحتها الخاصة على "فيسبوك " : " بعد ما مرق سنة ع مسلسل مذكرات عشيقة سابقة ، اليوم سمعت تلطيشة كلام انو كيف بعمل هيك و بترك المسلسل و بما انو مرق سنة صار فيني اكتب السبب بدون ما انفهم غلط ...السبب و بكل بساطة انو المفروض كون ببيروت ب ٢١ تشرين الثاني من السنة الماضية حتى كمل تصويري بالاتفاق مع جهة الانتاج اللي المفروض تكون مأمنة السكن للممثلين ... بوصل ع بيروت بيطلع مافي حجز باسمي بأي مكان و السبب هو مدير الانتاج ... حمادة جمال الدين ".
وشرحت نورا ملابسات ما حدث بينها وبين المنتج الفني حمادة جمال الدين، وأضافت نورا في تعليقها : " طبعا الطبيعي انو تخانقت معو و طول لسانو عليي و مفكر لأني جديدة ممكن حط عالجرح ملح و اسكت و روح احجز اوتيل ع حسابي الخاص او مفكرني صاعدة جديدة بتحلم تاخد فرصة لا يا عيني انا شهادتي بجيبتي وعفكرة حتى شهادتي اخدتها من نص عينهون للمعهد ولو كان بيقدروا ما يعطوني ياها ما كانوا قصروا ".
وأكدت نورا أن المنتج الفني عندما تم سؤاله عن الموضوع قال إن نورا تملك المال ... و تابعت نورا : " حمادة جمال الدين لما انحكى معو بالموضوع قال معها مصاري خليها تحجز لحالها .. طيب معقول بتتركو بنت بالشارع ببيروت مافي مكان تروح عليه !!!!!! ".
أكدت نورا أنها لا تكذب و ليست مضطرة لذلك، كما لفتت إلى أنها اضطرت للحجز في فندق على حسابها الخاص وتابعت : " كمان بدي قول شغلة اول ما بلشت تصوير بالعمل كنت قاعدة ع حسابي و قعدت يومين بس ع حساب شركة الانتاج بأوتيل لسه ما ارتقى لمرحلة انو يتصنف بالنجمات ....ما رح امدح بحالي و اكتب شعر بس رح قول اني ما بكذب لسببين اول سبب انو بنسى كتير واللي بيكذب لازم يتذكر شو كذب و هالشي مستحيل اقدر عليه ، تاني سبب اني اقوى بكتير من اني اكذب لانو ما بخاف من شي وما بخاف من حدا وغير رب العالمين ما بيقدر عليي ".
وأوضحت نورا أنها ليست نادمة على ترك المسلسل و قالت : " بالنهاية ماني ندمانة ابدا لأنو لحد اليوم في ناس لسه ما حصلت اجورها من شركة هالانتاج اللي كان اسمها اورانوس مدري زحل نسيت بصراحة بس كان اسمها شي بيخص الكواكب واللي كان اول انتاج الها وبتوقع الاخير " .
وعلى الصعيد الفني، لم تعلن نورا العايق عن أية مشاريع للموسم المقبل، كما انها تتواجد بشكل مستمر في دبي و سجلت غياباً منذ فترة طويلة عن المسلسلات التي يجري تصويرها في سورية .

 

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"

X