انتشرت قبل ساعات شائعة وفاة النجم السوري أيمن زيدان فيما أرفقت الشائعة لأول مرة بنعوة رسمية تم تلفيقها عبر الفوتوشوب.
الشائعة التي انتشرت بسرعة قياسية تناقلها رواد مواقع التواصل الاجتماعي بكثافة خلال الساعات الماضية قبل أن يخرج أيمن للرد عبر حسابه الخاص على " فيسبوك " : لا أدري كيف يمكن أن اتصرف مع الإشاعات الرخيصة والسافلة ...أنا بخير يا أصدقائي واتابع تصوير فيلم النورج ..".
بدورها لم تتأخر نورا ابنة أيمن في الرد على الشائعات و قالت في تعليق عبر " فيسبوك " : " هاد البوست رح اكتبو بالعامية أو بالاحرى بلغة الشارع لأنو موجه لولاد الشوارع يلي ما بيفهموا غير بهي اللهجة..".
وأضافت نورا : " أول شي بابا الحمد لله بألف خير و صحتو تمام التمام ورح يضل شوكة بعين كل حاسد وغصة بقلب كل كاره.. تاني شي التافه ابن الستمية كلب يلي ما عنده شغلة غير يطلع اشاعات بتقرف متل وجهو وتربايتو وأصلو الوضيع انشالله بيلاقي الموت بأحبابه وبيحس شو يعني تقرا خبر وفاة شخص غالي عليك .. خلص بقى حلوا عننا وعن عالمنا وعن عيلتنا لاقولكون شي حاوية نكوشوا فيها احسن ما تضلوا عم تنكوشوا بحياتنا .. ".
وختمت نورا : " وبالنهاية الدنيا دوارة وكما تدين تدان.. الله يخليلنا ياه فوق راسنا يا رب ويحميه. .. هاد البوست جواب ع كل المسجات يلي وصلتني لأنو مستحيل لحق رد عليهن .. وشكراً لكل محب سأل واتطمن ودمتم سالمين ".
يشار إلى أن أيمن يتابع تصوير مشاهد فيلمه الجديد النورج الذي يخوض من خلاله أولى تجاربه في الإخراج السينمائي ويشارك في بطولته عدد من النجوم ومنهم نادين خوري و قاسم ملحو و كرم الشعراني و بيدروس برصوميان وآخرين .
لمشاهدة أجمل صور المشاهير زوروا أنستغرام سيدتي
