فن ومشاهير /أخبار المشاهير

طليق غادة عادل «أكبر معجب» بزميلتها روبي: صوت وصورة وإحساس وطعم معندناش زيه

الفنانة روبي
المخرج مجدي الهواري زوج غادة عادل السابق
مجدي الهواري أكبر معجب بروبي
روبي
بوستر مسلسل أهو ده اللي صار
روبي
روبي خطفت الأنظار بدورها في مسلسل أهو ده اللي صار
روبي
روبي
روبي

كشف المخرج المصري مجدي الهواري عن انبهاره بأداء الفنانة روبي في مسلسل «أهو ده اللي صار» الذي يُعرض حالياً، مؤكداً أنها لم تأخذ حقها؛ لأن الانطباع الأول عنها حرمها من الحصول على أعمال عظيمة تبرز موهبتها «العالمية»، وطرح عدة أسئلة حول أسباب نجاح غيرها من الفنانات الأقل موهبة، مشيراً إلى أنه لن يداري رأيه واعتبر نفسه أكبر معجب بها.

«مجدي» طليق النجمة غادة عادل، عبر عن مخاوفه من تعرض روبي للحرب بسبب تعبيره عن إعجابه بها، وقال إنه لا يريد أن يكون مثل الدبة التي قتلت صاحبها، ولكنه بنفس الوقت لم يستطع كتمان حقيقة تقييمه الفني والإنساني لـ «روبي».

وقال عبر حسابه بموقع «فيس بوك»: لماذا شخص بحجم موهبة روبي لم يأخذ حقه؟.. سؤال محيرني، هي ليه حد بحجم موهبة روبي في التمثيل مش واخدة حقها عندنا!! يمكن علشان مابدأتش بالأعمال العظيمة زي فاتن حمامة ولا زي الساحرة سعاد حسني وكتير كتير هنا وبره جاتلهم الفرصة من أول يوم.

أضاف: ولا علشان الانطباع الأول بيفضل مسيطر! من وجهة نظري ديه لو بره وبحجم موهبتها ديه وسنها الصغير ده ممكن تبقى واحدة من الكبار.. أوي.. وخالص، لأنها صوت وصورة وإحساس وطعم معندناش زيه، وزى العالميات وكتير منهن!! مش عايز أذكر حد من هنا علشان مبقاش الدبة اللى أكلت صاحبها وبدل ما البوست ده يبقى في مصلحة روبي يتحول ضدها».

وواصل منشوره قائلاً: لو جبت سيرة حد من عمالقة النجمات، في العقود الأخيرة من تاريخ الفن المصري، وعقدت مقارنة، لاقدر الله ولا سمح الله ولا حاجة، اللي كلهم كانت بدايتهم مش جامدة خالص وتألقوا بعد كده وأثبتوا إنهم موهوبين زي روبي في المسلسل اللي بيتعرض دلوقتي، ومحدش كتير واخد باله منه، وسحر التمثيل اللي بتمثله وإزاي بيفصلك عن عملك وصناعتك وتطير معاها بإحساس موهوبة إلى عالم التصديق».

وعبر عن إعجابه الكامل بـ «روبي» قائلاً: مش هاخاف وأنا بقول كده بكل شجاعة ومش هيهمني الناس اللي شايفة ده ومش قادرة تقولوا علشان هي ياعيني معملتش دور في حياتها يخلينا نقدرها بالشكل الكافي وحتى لو كانت بدأت بــ ليه بيداري كده، براڤو روبي أنا أكبر معجب.

مسلسل «أهو ده اللي صار» تدور أحداثه في فترة تاريخية قديمة إذ تبدأ في نهاية القرن التاسع عشر وتستمر لمدة 100 عام برصد مختلف الأحداث، التي مرت على مصر اجتماعيًا وسياسيًا في إطار درامي غنائي من خلال الأحداث السياسية والاجتماعية التي تدور في مصر مع نهاية القرن الـ19.

وتظهر روبي بشخصيتين داخل المسلسل، الأولى من الطبقة الارستقراطية وتتجه إلى الغناء الاستعراضي بسبب حبها الشديد للغناء، وتتعرض للكثير من المواقف مع عائلتها داخل القصر الذي تعيش فيه، والشخصية الثانية تظهر كصعيدية وهي فترة زمنية أخرى، حيث تجسد خلالها شخصية «نادرة» الفتاة التي تدافع عن المرأة الصعيدية.

يذكر أن مسلسل «أهو ده اللي صار» من تأليف عبدالرحيم كمال، وإخراج حاتم علي، ويشارك في بطولته كل من سوسن بدر ومحمد فراج وأحمد داود ومحمود البزاوي، وهشام إسماعيل وألفت عمر، ولاشينة لاشين، ومنة بدر تيسير.

مواضيع ممكن أن تعجبك

أضف تعليقا

X