تصدر الفنان رامي جمال خلال الساعات الماضية، موقع الفيديوهات يوتيوب، بأغنيته "بحاول انساكي" التي اقتربت نسب مشاهدتها إلى8 ملايين مشاهدة بعد أيام قليلة من طرحها .
وكان رامي جمال قد أثار ضجة كبيرة بعد أن أعلن إصابته بمرض البهاق، وقال من خلال منشور رسمي: "الحمدلله الذي أحبني فابتلاني، وأعانني على الصبر. منذ فترة ظهرت بقع بيضاء في جسمي، وبالكشف عرفت أنه البهاق، وجرّبت أنواع علاج كتير، ودكاترة كتير ومفيش فايدة، رضيت وسلّمت أمري لله علشان عرفت إن الزعل بيزوده، وكفاية شغلانتي وصعوبتها والقلق الدائم من المستقبل. وفعلًا بقي يزيد لدرجة لفتت نظر ناس كتير، اللي بقى يقولي هتتعامل إزاي وأنت فنان، واللي يخاف يسلم، واللي يسألني هو ده معدي، أنا بقالي سنة فعلًا لو عندي حفلة أو تصوير، بتعب على ما أشوف طريقة أخفيه بيها، لدرجة خلّت ناس تقول لي شوف بيزنس تاني أعمله، علشان الناس مش هتقبلك كده".
وتابع: "فكرت في كلامهم بصراحة ولقيت إن عندي حلين، يا فعلًا شكرًا لحد كده على الشغلانة دي، رغم حبي ليها، وعدم معرفتي بغيرها، يا إما مش هداريه تاني، وتقبلوني بيه وترحموا كل اللي ربنا ابتلاهم بيه من نظرة إن شكله غريب، الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت عليكم بس قولت أشرككم في حياة فنان".
لمشاهدة أجمل صور المشاهير زوروا أنستغرام سيدتي
