نيكولا معوض يكشف: كنت أحد أبطال «أصحاب ولا أعز» ونعيش في مجتمع منافق مُزدوِج المعايير

فَجّر الفَنّان اللبناني نيكولا معوض عن مُفاجَأة بأنّه تَمّ ترشيحه لبطولة فيلم «أصحاب ولا أعز» ولكن اعتذر عن عدم المشاركة فيه لأسباب عَدّدها بنفسه عبر منشور طويل عبر صفحته الشخصية على فيسبوك. وشرح نيكولا كواليس انضمامه في البداية وتَعاقده بالفعل على البطولة، ولكن تَسَبّب تَعَطّل التصوير لأكثر من مرة لاعتذاره عن عدم المشاركة حيث كان قد ارتبط في تلك الفترة بعمل آخر استدعى سفره خارج لبنان.

قال معوض عبر صفحته الشخصية على فيسبوك: «يلّي متابعني منيح بيعرف انو ما بحياتي اعتذرت عن دور وبعدين طلعت قلت (هيدا الدور كان إلي)... مع إني ما بلاقيها غلط، بالعكس بلاقيها شغلة كتير عادية وما فيها أي انتقاص لا من الدور ولا من الممثل يلّي أخد الدور».

اعتذاري عن عدم المشاركة ليس له بالجدل الدائر حوله

وتابع: «بَسّ اليوم، مع كل الجدل يلّي عم نشوفوا حول فيلم «أصحاب ولا أعزّ»، كتير حابب قول انو كان المفروض كون واحد من ممثّلي الفيلم... وكمان حابب قول انو سبب اعتذاري ما إلو علاقة أبداً بالجَدَل الجاهِل العَقيم يلّي عم نشوفوا حاليّاً».

ظروف كورونا عطلت التصوير

وعن سبب اعتذاره عن عدم المشاركة قال نيكولا: «اعتذرت لانو ظروف كورونا خلّت التصوير يتأجَّل أكتر من مرّة وكان عندي ارتباط مُسبَق بتصوير خارج لبنان، فا اضطرّيت انسحب من المشروع وأنا عارف مُسبَقاً اني كتير رح إزعَل لمّا شوف الفيلم».

كنت أعرف أداء أبطال الفيلم وخاصة المخرج وسام سمَيرة

وأوضح نيكولا: «كنت مفكّر حالي رح إزعَل بَسّ لانو الفيلم فنيّاً كتير حلو كمان لأنّي كنت عارف مُسبقاً كيف رح يكون أداء كل إنسان اشتغل قدّام الكاميرا وورا الكاميرا تحت إدارة المخرج يلّي بحبّو كتير وِسام سمَيرة».

نحن نعيش في مجتمع منافق مُزدوِج المعايير

وعن الجدل حول الفيلم قال: «بَسّ اليوم لقيت حالي زعلان لأسباب تانية... زعلان لأنو هالفيلم كان رح يكون فرصة تخلّيني قول بالفعل مش بَسّ بالحَكي قدّيه الفَنّ أعلى وأسمى من كل القيود والأحكام والرقابات، وقدّيه للأسف نحنا عايشين بمُجتمع منافق مُزدوِج المعايير».

تحيّة من القلب لكل أبطال أصحاب ولا أعز

كما أشاد بالأبطال قائلاً: «تحيّة من القلب لكل حدا اشتغل على هالفيلم ولكلّ إنسان مؤمِن بِفَنّ حرّ ومُستقِلّ. بعرِف رح يكون في كتير تعليقات سلبيّة... كان في ضَلّ ساكِت، بَسّ يلّي عم يتهاجَموا اليوم هنّي زُمَلاء وأصدقاء بحتِرِمُن، وكتير بحترم مشاركتُن بهالعمل، وواجب عليي وعا كل إنسان بفَكِّر متلناانو يوقف بصَفُّن. بعتذر سلف عن عدم الرَدّ ». ما زال فيلم تعرض «أصحاب ولا أعز » يتعرض لهجوم كبير بعد عرضه على شبكة نتفليكس واتهام البعض له بالترويج للأفعال غير الأخلاقية، كما انتقد البعض منى زكي بسبب أحد مشاهدها في الفيلم. ورغم الانتقادات الواسعة التي تعرض لها الفيلم، قام عدد من الفنانين والنقاد بالدفاع عن الفيلم ومنى زكي على حساباتهم الشخصية بمواقع التواصل الاجتماعي. يذكر أنّ نيكولا معوض عُرض له فيلم «ماكو» مع بسمة، عمرو وهبة، ناهد السباعي وغيرهم كذلك مسلسل «ع الحلوة والمرة» مع دانا مارديني وباميلا الكيك وغيرهم نخبة من نجوم لبنان.

لمشاهدة أجمل صور المشاهير زوروا «إنستغرام سيدتي» ويمكنكم متابعة آخر أخبار النجوم عبر «تويتر» «سيدتي فن»